Жуырда Қазақстан мұсылмандары діни басқармасының Қостанай облысындағы өкіл имамы Бахытбек Тәжімбет Арқалық қаласында арнайы іс-сапарда болды.
Онда өкіл имам қаланың жақында тағайындалған Эльдар Қонысбайұлымен кездесіп қаладағы ахуалмен танысты.
Сонымен қатар Ы.Алтынсарин атындағы мемлекеттік педагогикалық институты студенттерімен «Рухани жаңғыру – білім мен тәрбие кілті» - атты тақырыпта тағылымды әңгіме өткізді. Кездесуде аталған жоғары оқу орнының ректоры Сейітбек Қуанышбаев жиналғандарға өкіл имамды таныстырып, оған сөз берді.
Бахытбек Нұрғабылұлы студенттеріді жаңа оқу жылымен құттықтай келе, егемен еліміздің болашағы – жастардың қолында, ол үшін үздік оқып, әрқашанда алғы шепте болулары керектігін еске салды.
Облыстың бас имамы сондай-ақ шаһардағы Нәзипа Құлжанова атындағы педагогикалық колледжге де ат басын бұрып, мұнда да жұртшылықпен жүздесті.
Бұл жерде жиналғандарға жалпы, ата-ананы құрметтеу, әдептілік, мейірімділік жайында тұшымды уағыздар айтты. Теріс ағымдардан аулақ болып, өмірде кездесетін барлық қиындықтарға шыдамдылық таныту қажеттігін тілге тиек етті.
Аталмыш басқосуларда өкіл имам өзіне қойылған барлық сауалдарға нақты жауап берді. Жүздесулерден кейін «Арқа дидары» телеарнасына «Ислам және отбасы» тақырыбында сұхбат берді.
ҚМДБ-ның Қостанай облысы бойынша өкілдігінің баспасөз қызметі
Қарабалық ауданындағы Бөрлі ауылына мемлекеттік көші-қон бағдарламасымен Маңғыстау облысынан Үсеновтар отбасы тамыз айының аяғында көшіп келді.
Отағасы Әділбек ауылдағы шаруашылықта механизатор болып жұмыс істейді. Ал жары Несіпкүл үй шаруасында. Отбасында үш ұл тәрбиелеп отыр. Осы орайда мешіт қызметкерлері сол отбасына арнайы барып, құтты болсын айтып сәлем берді.
Алайда отағасы Әділбек ағамыз жұмыста екен. Несіпкүл апамыз оларды қуана қарсы алған. Сонымен қатар мешіттен келген өкілдер бұл жанұяға жылы лебіздер білдіріп, сый-сияпаттын жасады. Мешіттің алқа мүшесі Қуандық ақсақал батасын берді. Алдағы уақытта да өңірімізге басқа жақтан осы бағдарлама аясында отбасылар көшіп келді деп күтілуде.
ҚМДБ-ның Қостанай облысы бойынша өкілдігінің баспасөз қызметі
Балахмет Әлішер Ертайұлы 1994 жылы 24- ші қыркүйекте Қостанай облысы, Әулиекөл ауданында дүниеге келді.
2001-2010 жылдары аралығында Қостанай қаласының «Сырбай Мәуленов» атындағы гимназиясында оқыды.
2010-2012 жылдары Қостанай ауданы, Затобол кентінің «Нұржан Наушабай» атындағы орта мектебінде оқып бітірді.
2012-2016 жылдары Алматы қаласындағы «Нұр-Мүбарак» Египет Ислам мәдениеті университетінің «исламтану» факультетіне оқуға түсіп, қызыл дипломмен үздікке бітірді.
2013-2016 жылдары «Нұр-Мүбарак» Египет Ислам мәдениеті университетінің «Жастар комитетінің» белсенді мүшесі болды.
2015 жылы құрылған Орта Азиядағы лаңкестікке қарсы құрылған жастар тобының белсенді мүшесі.
2016 жылдың шілде айынан бастап, Қостанай облыстық «Марал ишан» мешітінде наиб имам қызметін атқаруда .
Үйленген.
Сыздыков Дархан Манарбекович 1989 жылы 6-шілдеде Қостанай облысы, Науырзым ауданы, Қарамеңді ауылында дүниеге келген.
1996-1999 жылдары аралығында Науырзым ауданы, Шилі ауылының орта мектебінде оқыған.
1999-2001 жылдары Науырзым ауданы, Шолақсай ауылының орта мектебінде оқыды.
2001-2007 жылдары Қостанай облысы, Қостанай қаласындағы «Сырбай Мәуленов» атындағы №24-ші гимназиясында орта білімді оқып тәмәмдаған.
2007-2011 жылдары Алматы қаласындағы «Нұр-Мүбарак» Египет Ислам мәдениеті университетінің «Исламтану» факультетіне оқуға түсіп, қызыл дипломмен үздікке бітірген.
2011 жылдың маусым айынан бастап, Қостанай облыстық «Марал ишан» мешітінде наиб имам қызметін атқаруда.
2014 жылы Алматы қаласындадағы «Имамдардың білімін жетілдіру институтының» екі айлық курсында білімін шыңдаған.
2014 жылы Ресей Федерациясының Мәскеу қаласында екі апталық имамдардың білімін жетілдіру курсына қатысқан.
Үйленген. Екі ұл мен бір қыздың әкесі.
Қостанай облысының Қарабалық ауданындағы «Ғашура ана» мешіті ашылғалы бері халықпен оның ішінде өскелең ұрпақ жастармен түсіндіру насихат жұмыстарын жүргізіп келеді.
Апта сайын өтетін жұма намазында Қазақстан мұсылмандары діни басқармасы арнайы бекіткен «жұма уағызы» тапсырмасымен нақты уағыздар жүргізілуде. Әсіресе Ислам дінінде адам баласының ішуіне өте қатаң ескертіліп тыйым салынған «арақ» мәселесі туралы да аз айтылып жүрген жоқ.
Енді міне мешіт қызметкерлері Қарабалық аудандық ішкі істер басқармасының қызметкерлерімен бірлесіп, ішімдікке салынған азаматтар арасында насихат жұмыстарын жүргізіп бастады.
Осындай ащы суға салынған аудандағы бес отбасының үйлерін аралап, ішімдіктің зияны жөнінде жан-жақты баяндады. Бұл бастама алдағы уақытта өзінің оң нәтижесін береді деген ойдамыз.
ҚМДБ-ның Қостанай облысы бойынша өкілдігінің баспасөз қызметі
Жуырда Арқалық қаласындағы «Мухтасиб Әлмұхаммед» мешітінің ұжымы «Құрбан айт құтты мереке» атты шара өткізді.
Айт намазынан соң құрбандыққа байланысты уағыз-насихаттар айтылып, мешіт ауласында құрбандық шалу рәсімі өтті. Құрбандық еттері «Балалар үйіне», «Жүйке аурулар диспансеріне», «УК 161/12 мекемесіне», «Ана мен бала орталығына», әлеуметттік аз қамтылған, мүмкіндігі шектеулі және көпбалалы отбасыларына таратылды.
Қала басшылығы да жамағатты айтпен құттықтап, ізгі тілегін білдірді. Сонымен қатар ардагерлер кеңесінің төрағасы Жәнібек Ғапбасұлы мен мешіт алқасы, дін жанашыры Мираш қажы Тәшмұхамедұлы шынайы ықыластарын білдірді.
Айттап келген жамағатқа арнайы дастарханнан дәм ұсынылды. Айтулы мереке мәдени және спорттық іс-шаралармен жалғасын тапты. Арқан және өгіз тартыс, қол күрес, қой көтеру және волейбол ойындарынан сайыстар өткізіліп, жастар жағы белсенділік танытты. Арасында діни әндер мен ғибратты термелер орындалды.
Қаланың бас имамы Бектұрсын Уәлиев бұл мереке адам баласын қайырымдылық пен мейірімділікке, ынтымақ-бірлікке шақыратын ғибратты ұлық мейрам екенін тоқталды.
Аталмыш шараның жоғары деңгейде өтуіне мұрындық болған демеушілер мен спорт жеңімпаздарына мешіт атынан алғыс хаттар мен сый-сияпат жасалды.
ҚМДБ-ның Қостанай облысы бойынша өкілдігінің баспасөз қызметі
Жақында мұсылмандардың ұлы мейрамы Қасиетті Құрбан айт мейрамы Рудный қаласы Қашар кенті «Кәмшат ана» мешітінде жоғары дәрежеде аталып өтті.
Мешітке жиналған жамағат айт намазы оқылған соң Алла разылығы үшін құрбандық шалды. Осындай мейрам күні барша жамағат көтеріңкі көңіл күйде бір-бірін құттықтап жақсы тілектер білдірісті.
Шалынған құрбан еттері жағдайы төмен отбасыларға таратылды. Сондай-ақ мешіт қызметкерлерінің ұйымдастыруымен мешіт ауласында спорттық ойындар ұйымдастырылып, сыйлықтар табыс етілді. Соңында барша жиналған жамағат мейрам құрметіне жайылған дастарханнан дәм татты.
ҚМДБ-ның Қостанай облысы бойынша өкілдігінің баспасөз қызметі
Облыстық мешітте жылдағы қалыптасқан дәстүр бойынша еліміздегі «Мектепке жол» акциясы аясында «Мектеп сөмкесі» қайрымдылық шарасы болып өтті.
Оны Қазақстан мұсылмандары діни басқармасының Қостанай облысындағы өкіл имамы Бахытбек қажы Тәжімбет ашты. Ол өз сөзінде биылғы Құрбан айт мейрамының қарсаңында ұйымдастырылып отырған шараның аса маңыздылығына кеңінен тоқталды.
Үстіміздегі жылы жаңа оқу жылы алдында облыс бойынша мешіттерде 400 ден аса оқушыға мектепке қажетті құрал-жабдықтар және киім-кешек берілді.
Биылғы осынау қайырымдылық шарасының ойдағыдай жүзеге асуына елімізге белгілі «Уақып» қоры, облыстық мешіттің демеушілері, кәсіпкерлер өздерінің лайықты үлесін қосты.
Аталмыш жүздесуде бас имам өздерінің демеушілігімен көзге түскен бірқатар азаматтардың аты-жөндерін атап, оларға шынайы лебіздерін білдірді.
Ерекше қуанышқа бөленген ұл балалардың бірі - Нұрасыл Исламбек бізге былай деді:
-Мен биыл Қостанай шаһарындағы №9 орта мектептің 5 сыныбына барамын. Бүгін бізді мешітте жинап, өздерінің қамқорлығы мен шынайы ықыластарын танытқан өкіл имам Бахытбек Нұрғабылұлына және басқа да демеушілерге шексіз ризамыз.
Бір үйде он баламыз. Маған сөмке тапсырылды. Құрбан айт мерекесі қарсаңында өзімізге құрмет көрсеткен барша азаматтарға Алланың нұры жауа берсін.
ҚМДБ-ның Қостанай облысының өкілдігінің баспасөз қызметі
Миләди
Хижри
