Нұр-Мүбарак  университеті  2015-2016 оқу жылына исламтану және араб тілі факултеттеріне түсем деуші талапкерлерді ағымдағы жылдың 10 қарашасы мен 10 желтоқсан  аралығында  дайындық курсына оқуға қабылдайды.

Оқу мерзімі - кемі 8 ай. Осы мерзімде  Құран Кәрім, араб тілі, ислам фиқһы, ақида пәндері бойынша жүйелі түрде сабақ жүргізіледі. Сондай-ақ Қазақсатан тарихы мен қазақ тілі, ағылшын тілі пәндері бойынша тест емтихандарына дайындық сабақтары беріледі.

Сабақты Әл-Әзһар университетін  бітіріп келген білікті мамандар  жүргізеді. Дайындық курсына жасы 30-ға толмаған ислам жолымен жүретін тақуа, талапты, қабілетті жастар іріктеліп алынады.

Талапкерлер жатар орынмен, тамақпен қамтамасыз етіледі.

Талап етілетін құжаттар:
    Өтініш;
    Жеке куәлік көшірмесі.
    Аттестат немесе диплом (түпнұсқа);
    3x4 мөлшердегі 6 фотосурет;
    086-У үлгісіндегі медициналық анықтама+ флюрография ;
    Наркологиялық анықтама;
    Психотерапиялық диспансерден анықтама;
    Сотталмағандығы туралы анықтама.

Алматы. әл-Фараби даңғылы 73. «академиялық қалашық» аялдамасы.
тел.:8 (727) 302-09-40, 302-09-42.  Факс: 8 (727) 302-09-30.
Ұялы тел: 8 702 624 98 13
Сайт:  www.nmu.kz
E-mail: This email address is being protected from spambots. You need JavaScript enabled to view it..

Әйелдердің намаз оқу ерекшеліктері

Әйел баласы мен ер кісілердің намаздарының арасында бірнеше өзгешеліктер бар. Атап айтсақ, әйелдер ер кісілер сияқты азан шақырып, қамат түсірмейді. Бет-жүзі мен білезігіне дейінгі денесінің қолынан өзге жері жабық болады. Әйел адам үшін мешіттен гөрі үйде отырып, намаз оқығанның сауабы мол. Әйелдердің намаздағы өзге қимылдары да олардың жаратылысы мен табиғатына сай діннің үкімдерімен үйлесім табатынын айта кету керек.

Әйелдердің киімі ашылып қалмасы үшін әрі дене мүшелерінің киім сыртынан сыртқа теуіп, көзге оттай басылып, өзгелердің назарын аудармауы үшін намаздағы іс-әрекеттерінің барынша жинақы болуы басты назарға алынған. Мысалы, тәкбірде қолды құлақ тұсына дейін көтергенде жеңі сырғып төмен түсетіндіктен білектерінің ашылып қалу қаупі бар. Сондықтан, олар қолдарын көкірек тұсына көтереді. Сонымен қатар, қолдарын көкіректеріне байлау арқылы да омырауларын қосымша көлегейлеген болады. Ендеше, ардақты Алла елшісінің (с.а.у.) «Менің намаз оқығанымдай намаз оқыңдар» деген хадисін негізге алып, әйелдер де дәл еркектер тәрізді намаз оқуы керек, деп, үстірт ұқпауымыз керек.

Исламдағы төрт мәзхаб ғалымдарының басым көпшілігінің берген пәтуасы бойынша әйел баласының намаздағы қимылдарының еркектер сияқты еркін емес, жинақы болуы маңызды. Мәселен, Мәліки мәзһабында әйелдің намаздағы қимылдарының бәрі жинақы болуға тиіс.[1]

Ханбалидағы мәзхабында да дәл солай. Ибн Құдама «әл-Муғни» атты еңбегінде әйелдің намазындағы ерекшелігі жайында былай дейді: «Намаздағы ер кісілерге қатысты үкімдер, негізінде, әйелдерге де қатысты. Бірақ, әйел баласы рукуғта, сәждеде өзін жинақы ұстайды. Ал, отырыста малдас құрып (мүтәраббиға) немесе сол жағына қарай жамбастай отырады».[2]

Шафиғи мәзһабында әйелдің намаз қимылдарында төрт жерде өзгешелігі бар:

1. Рукуғта бір тізесін екінші тізесіне, бір аяғын екінші аяғына тигізе тақайды. Сәждеде де екі тізесі мен екі аяғының арасын ажыратпайды, қарны санына тиіп тұрғаны жөн.

2. Еркектер жария оқитын намазды жария, іштен оқитын намаздарды іштей оқиды. Әйелдер бөгде еркектердің жанында намаз оқитын болса, дауыстары естіл-мейтіндей етіп бәсең оқиды.

3. Намаздарына кедергі келтіретін қандай да бір жағдай туса, ер кісілер «Субханналлаһ» десе, әйел адам оң қолының алақанымен сол қолының сыртынан шапалақ ұрады.

4. Намазда ерлердің әурет жері саналатын кіндік пен екі бұттың арасы, ал, әйелдердің қолы мен бет-жүзінен өзге жері бүркеулі болуы тиіс.[3]

«Әссунәнуль Кубра» атты хадис жинағының авторы хадисші әл-Байһақи әйелдің қимылы жайында: «Әйелдің намаздағы қимылдарындағы өзгешілік жинақылыққа негізделген. Әйел кісі намазда жинақылыққа ең лайық қимылды орындауға бұйырылды», – дейді[4].

Ендеше, Ханафи мәзһабымен қоса өзге үш мәзһабтың үшеуінде де әйел кісінің намаздағы қимылдары жинақылыққа негізделгендігі бірауыздан мақұлданған.

Ханафи мәзһабы бойынша әйелдердің намаз қимыларындағы ерекшеліктер төмендегідей:

ӘЙЕЛДЕРДІҢ ИФТИТАХ ТӘКБІРІ

Әйел адам ифтитах тәкбірін алғанда екі алақанын құбылаға қаратып, саусақтарының ұшын иықтың тұсына дейін көтеріп, «Аллаһу әкбар», дейді.

Имам Бұхари өзінің «Қурратуль ғайнайн» атты еңбегінде Сүләймән ибн Умайрдың мына сөзін риуаят етеді:

» عن عبد ربه بن سليمان بن عمير قال: رَأَيْتُ أُمَّ الدَّرْدَاءِ تَرْفَعُ يَدَيْهَا فِي الصَّلاةِ حَذْوَ مَنْكِبَيْهَا«

Ол: «Мен (сахаба Әбу Дарданың зайыбы) Уммуд Дарданың намазда екі қолын иық тұсына көтергенін көрдім», – дейді.[5]

Ардақты пайғамбарымыз (с.а.у.) Уәйл ибн Хужр есімді сахабасына былай деген: «Уа, Хужрұлы! Намаз бастағанда екі қолыңды құлаққа дейін көтер. Ал, әйелдер кеуде тұсына көтерсін»[6].

Бұл хадис жоғарыдағы Ұмму Дарданың хадисіне қайшы емес. Себебі, әйел кісі қолын кеуде тұсына көтергенде саусақтарының ұшы иық деңгейіне көтеріледі.

Сондай-ақ, осы екі хадистің астарына үңілсек, әйел баласының намаздағы басқа да әрекеттері (рукуғ, сәжде, соңғы отырыста, т.б.) олардың нәзік жаратылысы мен өзге де ерекшелігіне байланысты құлшылық кезінде өзін жинақы ұстаудың қаншалықты маңызды екендігін аңғарамыз.

ӘЙЕЛДІҢ ҚОЛ БАЙЛАУЫ

Әйел кісі көкірек тұсына оң алақанын сол қолының үстіне қояды. Білезіктерін қапсыра ұстамайды. Намаз кезінде өздерін жинақы ұстауы үшін осылай істеген абзал[7].

Табиғин Ата ибн Әби Рабах*: «Әйел кісі қиямда тұрғанда мүмкіндігінше екі қолын жинақы ұстайды», – деген[8].

ӘЙЕЛДІҢ РУКУҒЫ МЕН СӘЖДЕСІ

Әйелдер рукуғқа барғанда саусақтарының арасын ашпастан тізесіне қояды, арқасы мен тізесін сәл бүгеді. Ал, сәждеге барғанда білектерін жерге тигізіп, шын-тақтарын өкпе тұсына тақап ұстайды, қарны қара санына тиуі шарт[9]. Бұл жайында Әбу Шәйба өзінің «Мұсаннаф» атты еңбегінде Әзіреті Әлидің (р.а.) мына сөзін жеткізеді:

عَنِ الْحَارِثِ ، عَنْ عَلِيٍّ ، قَالَ : " إِذَا سَجَدَتِ الْمَرْأَةُ فَلْتَحْتَفِزْ وَلْتَضُمَّ فَخِذَيْهَا ". رواه ابن أبي شيبة

«Әйел баласы сәждеге барғанда ішін санына тірейді және екі санының арасын ашпай, тигізе тақап ұстайды»[10].

Табиғин Ибрахим ибн Язид ән-Нәхәъидің[11] былай дегенін риуаят етеді:

عن إبراهيم قال إذا سَجَدَت المَرأَةُ فَلتَزِق بَطنَها بِفَخِذَيها وَ لا تَرفَعُ عَجيزَتَها وَلا تُجَافي كما يُجَافي الرَجُلُ". رواه ابن شيبة

«Әйел кісі сәжде жасайтын болса, қарнын қара санына тигізе тақап ұстасын, бөксесін көтермесін және ер кісілер сияқты (екі шынтағын арасын) ашпасын»[12].

Тағы бір сөзінде Ибраһим:

عن إبراهيم قال إذا سَجَدَت المَرأَةُ فَلتَضُمّ فَخِذَيهَا وَ لتَضَع بَطنَهَا عَلَيهِمَا. رواه ابن شيبة

«Әйел кісі сәжде жасағанда екі санын бір-біріне тигізе тақап ұстасын және қарнын қара санына тигізсін...», –[13] деген.

Байхақидың «әс-Сүнәнүл-кубра» атты хадис жинағында Ибраһим ән-Нәхаъи былай дейді:

كانت المرأةُ تُؤمُرُ إذا سَجَدَت أن تُلزِقَ بَطنَها بِفَخِذَيها كَيلا تَرتَفِعَ عُجْزَتها ولا تُجَافي كَمَا يُجَافي الرُجُلُ. رواه البيهقي

«Әйелдерге сәжде жасағанда қарнын екі санына тигізе тақап ұстасын деп, әмір етілді. Бұл сәжде жасағанда оның бөксесі көтерілмесін деген мақсатта айтылған. Сәжде жасағанда ер кісілер сияқты екі шынтағының арасын ашпасын (деп те бұйырылды)»[14].

ӘЙЕЛ КІСІНІҢ «ТӘШӘҺҺУД» ОТЫРЫСЫ

Тәшәһһуд отырысында әйел кісі екі аяғын бүгіп, сол жағына қарай жамбастай отырады. Яғни, сол жақ аяғын оң жақ санының астынан өткізіп, бір жамбастай отырады[15]. Мұндай отырыс әйел табиғатына сай келеді әрі жинақы көрінеді. Мұны «тәуәррүк отырысы» дейміз. Бұған төмендегі хадис дәлел:

Абдулла ибн Омар (р.а.) риуаят еткен бір хадисте ардақты Пайғамбарымыз (с.а.у.):

عن عبد الله بن عمر قال: قال رسول الله (صلى الله عليه و سلم): "إذا جَلَسَت المَرأةُ في الصّلاَةِ وَضَعَت فَخذَهَا عَلَى فَخذِهَا الأُخرَى وَ إذَا سَجَدَت ألَصَقَت بَطنَهَا فيِ فَخذَيهَا كَأَستَرَ مَا يَكُونُ لًهًا وً انّ اللهَ تَعَالَى يَنظُرُ إلَيهَا وَ يَقُولُ: يَا مَلائِكَتِي أُشهِدُكُم إنِّي قَد غَفَرتُ لَهَا". رواه البَيهَاقِي

«Әйел баласы намазда сол жақ аяғын оң жақ санының астына басып отырады. Ал, сәждеде қарнын қара санына тигізе тақап ұстасын. Әйел осылай еткенде жинақы көрінеді. Алла (осылай отырып оқыған әйелге) қарап періштелеріне: «Уа, періштелерім! Куә болыңдар, мен бұл әйелдің күнәсін кешірдім», – дейді» деп, айтқанын жеткізген болатын[16].

______________________________________

[1] У.Зухайли, Маусуғатул фиқһиль Исләми – 1/769-бет

[2] Ибн Құдама, әл-Мұғни: әл-фарқ бәйнар ражули уәл мар’әти фис сала, 1/599-бет.

[3] У.Зухайли, Маусуғатул фиқһиль Исләми – 1/777-779 бет.

[4] Мұстафа әл-Ғадуи, Жамиғул Ахқамун Ниса – 1/376-бет.

[5] Имам Бұхари «Қурратуль айнайн» №23 хадис.

[6] Хайсәми, Мажмағуз-зауаид -2\222 бет, №2594 хадис.

[7] Тәхәнәуи, Илә’әссүннә – 2/199 бет; әл-Айни, Биная; әл-Шарнабәләли, Нурул изах

* Бұл кісі хазірет Айша, Әбу Хұрайра, Абдулла ибн Аббас сыңды көптеген сахабалардан хадис риуаят еткен кісі. Мекке ғалымы.

[8] Ибн Әби Шәйбә, Мұсаннаф.

[9] Бадайғ – 1/62 бет; Бадруддин Айни, әл-Биная – 2/249-бет.

[10] وتحتفز أي تحمل بطنها على فخذيها Ибн Әби Шәйбә – 1/241 бет, №2777-хадис.

[11] Ибрахим ибн Язид ән-Нәхәғи, Ирак өңірінің ғұлама фиқһшысы әрі хадисте «сиқа/сенімді», оның риуаят еткен хадистерін Нәсәий, Әбу Дәуіт, Даруқутни сынды ғұламалар өз хадис жинақтарына енгізген, ол балалық шағында Айша анамыздың (р.а.) көзін көрген кісі.

[12] Ибн Әби Шәйба, Мұсаннаф, Әйелдің сәжде жасау бабы – 1/242-бет, 2782

[13] Ибн Әби Шәйба, Мұсаннаф, Әйелдің сәжде жасау бабы – 1/242-бет, 2779

[14] Байхақи әс-Сүнәнүл-күбра – 2/314-бет.

[15] А.М.Таһмаз: әл фиқһул ханафи фи саубиһил жәдид, 1- том, 226-бет.

[16] Бәйһақи, әс-сүнәнул кубра, 2/315-бет, №3199 хадис.

Абдусамат Қасым

Мурзаканов Азамат Серікбайұлы

1980 жылдың 21 шілдесінде, Қамысты ауданы, Қамысты ауылында дүниеге келдім. Ана тілім – қазақ тілі, орыс тілін еркін сөйлей аламын, араб тілі – сөйлесу деңгейінде.

Орта мектепті 1997 жылы Қамысты ауылында бітірдім.

1999 - 2000 жылы, Қамысты аудандық “Сейтжан Бекшентайұлы” атындағы мешітте діни сауатын аштым.

2000 - 2002 жылдары, Қамысты аудандық “Сейтжан Бекшентайұлы” атындағы мешітте имамнын көмекші болып қызметін атқардым.

2003–2007 жылдары Алматы қаласындағы «Нұр-Мүбарак» Египет ислам мәдениеті университетінде исламтану мамандығы бойынша білім алып, араб тілі пәнінің мұғалімі және имам-хатиб мамандығын игердім.

2009–2011 жылдары Қостанай мемлекеттік университетінде “Ахмет Байтұрсынов атындағы” экономика мамандығы бойынша сырттай оқып шықтым.

2018–2020 жылдары Шымкент қаласындағы Аймақтық әлеуметтік-инновациялық университетінде екі шет тілі (ағылшын және араб тілі) мамандығы бойынша магистр дәрежесін алдым.

2007–2014 жылдары Алтынсарин ауданының бас имамы болып жұмыс істедім.

2014 жылы, ҚМДБ Имамдардын білімін жетілдіру институтына курсқа қатыстым.

2014–2016 жылдары Қостанай ауданында бас имам қызметін атқардым.

2016–2017 жылдары Қостанай облыстық мешітінің наиб имамы болдым.

2017–2020 жылдары Рудный қаласының бас имамы болып қызмет атқардым.

2020 - 2023 жылдары ақпан айынан бастап Қостанай аудандық “Маңдай батыр” мешітінің наиб имамы болдым.

2023 жылы ақпан айы мен желтоқсан айы аралығында Денис аудандық “Жұма” мешітінде бас имамы қызметін атқардым.

2023 - 2024 жылы Денис аудандық “Жұма” мешітінде наиб имам қызметін атқардым.

2024 жылы, қараша айыннан бастап, Қостанай облыстық “Аймағамбет қажы Спанұлы” мешітінде наиб имамы қызмет атқарудамын.

Үйленгенмін, үш балам бар.

Қызылбай Сұңғат Мақатұлы

1995 жылы 25 қарашада Қарағанды облысы Қарқаралы ауданында дүниеге келген.

2002 - 2013 оқу жылдары Н. Әбдіров атындағы қазақ орта мектебін тәмамдады.

2017 - 2021 жж. Қарағанды облысы Бұқар жырау ауданы ҚМДБ филиалы Мұрат ата медресесінде исламтану бойынша діни білім алды.

2021 - 2024 жж. Түркістан облысы Кентау қаласы "Балаби қари" Құран жаттау орталығын тәмамдады.

2024 - 2025 жж. Қарағанды облысы Қарқаралы ауданы "Құнанбай қажы" атындағы аудандық мешітінде Ұстаздық қызметін атқарды.

2025 жылдың ақпан айынан бастап Қостанай облысы "Аймағанбет қажы Спанұлы" мешітіне Ұстаздық қызметіне тағайындалды.

Үйленген, бір қыздың әкесі.

Бектұрсын Торғайбайұлы Уәлиев

ҚОСТАНАЙ ОБЛЫСЫНЫҢ ӨКІЛ ИМАМЫ

1978 жылы 16 мамырдаҚостанай облысы Жанкелдин ауданында дүниеге келген.

1984-1995 оқу жылдарыЫ. Алтынсарин атындағы қазақ орта мектебін тәмадады. Мектепте оқи жүріп, аудандық мешіттен діни сауатын да ашты.

- 1999 жылыАлматы қаласындағы «Ислам институтын» да білім алып, осы жылдың қараша айынан бастап, Қостанай облысы, Б.Майлин аудандық мешітінде бас имамдық қызметіне тағайындалды.

- 2005 жылыАлматы қаласы, «Имамдар Білім жетілдіру институтында» білімін жетілдірді.

- 2007 жылыМекке-Мадина қалаларында болып, қажылық өтеді.

- 2010 және 2011 жж.облыстық өкіл имамның алғыс хаттарымен марапатталды.

- 2012 жылыТүркия елінде «Білім жетілдіру» курсында болды.

- 2012 жылдыңжелтоқсан айынан бастап, Арқалық қаласы «Мухтасиб Әлмұхаммед» мешітінің бас имамы болып тағайындалды.

- 2013 жылыЫ.Алтынсарин атындағы Арқалық мемлекеттік педагогикалық институтында білім алды.

- 2014 жылы«Қостанай қаласы әкімшілігінің дін істері жөніндегі басқарма» атынан алғыс хатымен марапатталды.

- 2014 жылыАрқалық қаласы әкімінің Алғыс хатымен және Арқалық қаласының «Жыл адамы» номинациясымен марапатталды.

- 2015 жылыАлматы қаласы, «Имамдар Білім жетілдіру институтында» білімін жетілдірді.

- 2016 жылыБас мүфтиідің «Қажырлы еңбегі» үшін Алғыс хатын иеленді.

Әр жылы «жұмысқа деген белсенділігі» үшін деген облыстық өкіл имамының алғыс хаттарымен марапатталды.

- 2020-2022 жылдарыРудный қалалық «Нұр» мешітінің бас имамы болды.

- 2022-2024 жылдарыҚостанай қалалық «Марал ишан» мешітінің бас имамы болып қызмет атқарды.

-2024 жылдың 26 шілдесінен бастап, Қостанай облысының және «Аймағанбет қажы Спанұлы» мешітінің бас имамы болып тағайындалды.

Үйленген, екі қыз, екі ұлы бар.

Икрам Бақытжан

Қостанай облыстық Аймағанбет қажы Спанұлы мешітінің наиб имамы

1965 жылы 02-қыркүйекте Қостанай облысы, Әулиекөл ауданы, Диев совхозында дүниеге келді.

1972-1982 жж. Қостанай облысы, Әулиекөл ауданы, Диев совхозының орта мектебін оқып бітірді.

1983-1985 жж. Кеңес армиясы қатарында әскери борышын өтеді.

1992-1994 жж. Өзбекстан республикасы, Қоқан қаласында хужрада оқыды.

1994 жылдың 03-қазанынан бастап, Қостанай облыстық мешітте найб имам қызметін атқарады.

1999-2014 жж. Мыржақып Дулатов атындағы Қостанай инженерлік-экономикалық университетін «Менеджмент» мамандығы бойынша сырттай оқып тәмәмдады.

2008 жылы ҚМДБ-ның жолдауымен Пакистан республикасының халықаралық «Дағуа» академиясында 2 ай білімін жетілдірді.

2013 жылы Алматы қаласындағы имамдардың білімін жетілдіру инстиутында 3-ай білімін жетілдірді.

2014-2016 жж. Алматы қаласындағы Нұр-Мүбарак Египет ислам мәдениеті университетін «Дінтану» мамандығы бойынша сырттай оқып тәмәмдады.

2004, 2016 жылдары қажылық парызын өтеді.

Бейсекеев Абзал Сұлтанғалиұлы

1987 жылы 19 шілдеде, Қостанай облысы Амангелді ауданында дүниеге келген.

1993-1998 жылдар аралығында Амангелді ауданындағы «А. Иманов» орта мектебінде оқыған.

1998-2002 жылдар аралығында Қостанай облысы, Арқалық қаласындағы №06 «А. Құнанбаев» орта мектебінде оқыған.

2002-2004 жылдар аралығында Қостанай облысы, Арқалық қаласындағы «Кейкі батыр» №04 орта мектебінде білімді тәмәмдаған.

2006-2012 жылдар аралығында Қостанай облысы, Арқалық қалалық Арқалық қалалық педагогикалық институтында, «Экономика және құқық негіздері» бойынша сырттай мамандығын тәмәмдаған.

2008-2011 жылдары аралығында Астана қаласы «Астана медресесінде» оқыған.

2011-2014 жылдары аралығында Алматы қаласы «Нұр мүбәрәк Египет Ислам мәдениеті» университетінде «Исламтану» факультетін тәмәмдаған.

2014-2016 жылдары аралығында Қостанай облысы, Рудный қалалық «Нұр» мешітінің найб имам қызметін атқарған.

2016 жылы Алматы қаласы «Нұр мүбәрәк» университетіндегі «Діни экстремизм мен терроризмнің алдын алу» бойынша 10 күндік курсын оқыған.

2016-2017 жылдары аралығында Қостанай облысы Федоров ауданындағы, Федоров аудандық «Жиентай қажы» мешітінің Бас имамы қызметін атқарған.

2017-2019 жылдар аралығында, Қостанай облысы, Қостанай ауданының «Маңдай батыр» мешітінің найб имамы қызметін атқарған.

2017 жылы күзінде Алматы қаласы «Нұр мүбарак» университетінде «Діни экстремизм мен терроризмге қарсы алдын алу» байланысты 2 айлық курсын тәмәмдаған.

2018 жылы Астана қаласы, Астана қалалық «Имамдарды кәсіби қайта даярлау және біліктілігін көтеру республикалық орталығында» 25 күндік курсын бітірген.

2019 жылы 16 қаңтарынан бастап Қостанай облысы «Марал ишан» мешітінің найб имам қызметін атқаруда.

Балахмет Әлішер Ертайұлы

Қостанай облыстық Аймағанбет қажы Спанұлы мешітінің наиб имамы

1994 жылы 24- ші қыркүйекте Қостанай облысы, Әулиекөл ауданында дүниеге келді.

2001-2010 жылдары аралығында Қостанай қаласының «Сырбай Мәуленов» атындағы гимназиясында оқыды.

2010-2012 жылдары Қостанай ауданы, Затобол кентінің «Нұржан Наушабай» атындағы орта мектебінде оқып бітірді.

2012-2016 жылдары Алматы қаласындағы «Нұр-Мүбарак» Египет Ислам мәдениеті университетінің «исламтану» факультетіне оқуға түсіп, қызыл дипломмен үздікке бітірді.

2013-2016 жылдары «Нұр-Мүбарак» Египет Ислам мәдениеті университетінің «Жастар комитетінің» белсенді мүшесі болды.

2015 жылы құрылған Орта Азиядағы лаңкестікке қарсы құрылған жастар тобының белсенді мүшесі.

2016 жылдың шілде айынан бастап, Қостанай облыстық «Марал ишан» мешітінде наиб имам қызметін атқаруда .

Үйленген.

Тәжімбет Бахытбек Нұрғабылұлы 1983 жылы 17-мамырда Қызылорда облысы, Жаңақорған ауданында дүниеге келген.

1990-2000 жылдары

аралығында Жаңақорған ауданындағы № 125 С. Сапарбеков атындағы қазақ орта мектебінде білім алған.

2000-2001 жылдары

Түркістан қаласындағы «Хасан Оралтай» атындағы медресесінде тәлім алған.

2001-2002 жылдары

Шымкент қаласындағы «Қамар» атындағы медресесінде оқыған.

2002-2005 жылдары

Алматы қаласындағы «Таугүл» медресесін тамадаған.

2005-2006 жылдары

Стамбул қаласындағы «Стамбул муфтиятында» білім алған.

2006-2014 жылдары

Тараз қаласындағы Жамбыл гуманитарлық-техникалық университетінің тарих факультетінде оқыған.

2006 жылы

жұмыс тәжірибесін Шымкент қаласындағы «Қамар» медресесінде ұстаздықтан бастаған.

2006 жылы

ОҚО облысы Шаян ауданынындағы медреседе ұстаздық қызмет атқарған.

2007 жылы

Тараз қаласындағы медреседе ұстаздық еткен.

2007-2008 жылдары

Алматы қаласындағы Сайран медресесінде ұстаз болған. 2008 жылы Ақтөбе қалалық мешітінде азаншы қызметін атқарған.

2008 жылы

қыркүйек айынан Ақтөбе облыстық орталық «Нұр Ғасыр» мешітінде найб имам қызметін атқарды.

2009-2011 жылдары

Ақтөбе облысы, Шалқар аудандық мешітінде бас имам болған.

2011 жылдан 2015 жылдың

қазан айына дейін Ақтөбе қалалық орталық мешітінде бас имам қызметін атқарды.

2015 жылдың

қараша айының 12-нен бастап, Қостанай облысы бойынша өкіл имам және Қостанай облыстық «Марал ишан» мешітінің бас имамы болып тағайындалды.

Үйленген, екі баланың әкесі.