«Муслима» дәмханасында болды

Қостанай қалалық “Жайлаубай ата” мешітінің ұстазы Қазбек Кошеров шәкірттерімен бірге “Муслима” халал дәмханасына барды.

Онда ол ғибратты уағыз-насихат айтты. Негізгі мақсат - дастархан басында бауырмалдық, өзара сыйластық секілді қасиеттерді балалардың бойына сіңіру еді.

Тәуелсіздікке арналған жырлар оқылды

Облыс орталығындағы “Жайлаубай ата” мешітінде Тәуелсіздік күні қарсаңында абыз ақсақалдар, зиялы қауым өкілдері және алқа мүшелеріне арнайы дастархан жайылып, құрмет көрсетілді. Аруақтарға Құран бағышталды.

Жиында елімізге белгілі ақындар, Қазақстан Жазушылар Одағының мүшелері Серікбай Оспанов пен Ақылбек Шаяхмет көпшілікке өздерінің төл туындыларын таныстырды.

Сондай-ақ, А.Байтұрсынов атындағы өңірлік университеттің студенттері патриоттық тақырыптағы поэзиялық шығармаларды оқыды. Соңында аға буын өкілдері бата берді.

Қостанай облыстық мешітінің баспасөз қызметі