Қостанай қалалық “Жайлаубай ата” мешітіне қасиетті жұма күні халық көп жиналды.

Онда намаздан кейін жамағатқа ыстық тамақ пен тәтті сусындар таратылды.

Көпшілік қауым имандылық ордасының қызметкерлері мен демеушілік еткен азаматтарға шынайы алғыстарын білдірді.

Қостанай облыстық мешітінің баспасөз қызметі

Жуырда Қостанай қалалық “Жайлаубай ата” мешітінің ұжымы қасиетті Рабигуль айында Мұхаммед пайғамбарымыздың туған күнін атап өтті.

Қонақтар шешен қауымдастығы жамағатының Мәуліт шарифі мен мешіт шәкірттерінің салауат- сәлемін ұйып тыңдады.

Бас имам Шоқан Ғазизұлы үгіт-насихат айтты. Мерекенің соңында Тұрғын ақсақал бата берді. Жиналғандар кешкі намазын оқып, көңілді тарқасты.

Қостанай облыстық мешітінің баспасөз қызметі

Әлемдік және дәстүрлі діндер лидерлерінің VIII Съезі аясында Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы Иран Ислам Республикасының Мәдениет және исламдық байланыстар ұйымының басшысы Мехди Иманипурды қабылдады.

Қабылдауда мәдениет пен ғылым саласындағы ықпалдастық, діни-ағартушылық жобаларды жүзеге асыру және рухани мұраларды насихаттау мәселелері талқыланды.

Кездесу соңында тараптар ынтымақтастықтың ортақ бағыттарын айқындап, болашақта бірлескен бастамаларды қарастыруға ниет білдірді.

Дереккөз: БАС МҮФТИ ИРАН ӨКІЛІ МЕХДИ ИМАНИПУРДЫ ҚАБЫЛДАДЫ , Muftyat.kz