Қазақстан мұсылмандары діни басқармасының Қостанай облысы бойынша өкілдігі және мешіт жамағаты «Жақсылық жасауда жарысыңдар» деген хазіретті Мұхаммед (с.ғ.у.) пайғамбарымыздың хадисіне амал етуде алдарына жан салмайды.

Мұның айғағы, облыстық «Қан орталығы» мекемесі «Бауырыңа өмір сыйла» деген ұсыныспен өкілдікке жүгінген болатын.

Бұл ұсыныс ерікті жамағат тарапынан қолдау тауып, иманды азаматтар ықылас білдіріп, донор болды.

Жалпы бұған дейін де облыстық өкілдікке қарасты қалалар мен аудандық мешіттердің жамағаты тарапынан осы іспеттес қан тапсыру шарасы тұрақты негізде жүргізіледі.

Өз кезегінде облыстық «Қан отрталығы» ұжымы мұсылмандар тарапынан жасалған ұсыныстың әрдайым қолдау табылатынына ризашылығын білдірді.

ҚМДБ Қостанай облысы бойынша
өкілдігінің баспасөз қызметі