Қандай да бір ұлттың не қоғамның діңгегі әрі маңызды құрылымы – отбасы. Өйткені қоғамның түзелуі мен бұзылуы осы отбасының жағдайымен тығыз байланысты. Ислам дінінің қайнарларынан нәр алған ата-бабаларымыз «Отан – отбасынан басталады» деп, ұлттарды ұйыстырып отырған мемлекеттің ірге тасын бекем ететін отбасы екендігін айтқан.
«Отбасы» сөзінің тілдік мағынасы – адамның жақындары мен туыстары дегенді білдіреді. Ал «отбасы» сөзінің шариғаттағы терминдік мағынасы – ер мен әйелдің некелесуі арқылы шанырақ көтеріп, нәтижесінде ұрпақтарының өсіп-өрбуімен пайда болған, қоғамның негізі болып есептелетін, бір топ адамдар жиынтығы.
Отбасы – адам баласының алтын діңгегі. Өйткені адам ең алғаш шыр етіп дүниеге келген сәтінен бастап, осында ер жетіп, отбасының тәрбиесін алады. Сондықтан отбасы – болашақ ұрпақтың бойында ең құнды адамгершілік қасиеттерді қалыптастыратын қоғамның ажырамайтын басты тірегі.
Қоғамда әдептілік пен инабаттылық өлшемдерінің терең тамырланып, кең жайылынуында отбасының маңызы өте зор. Әрбір жанұяның қос тіреуі – ерлі-зайыптылар өздеріне қатысты әдептілік пен адамгершілік талаптарын, құқықтары мен міндеттерін мүлтіксіз орындаса, кездеспей қоймайтын тіршіліктің ащысы мен тұщысын, суығы мен ыстығын, қайғысы мен қуанышын бірге бөліссе, бүкіл қоғамда, елде бейбіт те берекелі тұрмысқа негіз қаланбақ.
Ислам әйел адам мен ер адам бір-бірін толықтырып тұратындығын және бір-бірі үшін тірек болатындығын бекітіп, қасиетті Құранның Бақара сүресінің 187-аятында: «Олар сендерге киім, сендер де оларға киім іспеттісіңдер» — деген. Сондай-ақ, Құран Кәрім мен пайғамбарымыздың сүннетінде әйел адамға ерекше көңіл бөліп, оның ар-намысын қорғап, қоғамда лайықты орынға ие болуын қамтамасыз етеді. Құранда Алла Тағаланың ер мен әйелдің бір-бірі үшін жаратылғандықтан, өз теңін тауып, отбасын құрғанда жандары тыныштық тауып, бақытты ғұмырдың алғышарттарына қол жеткізетіндігін Рум сүресінің 21-аятында баяндайды: «Сендерге, оған тұрақтауларың үшін өз жыныстарыңнан жұбайлар жаратып, араларыңа сүйіспеншілік, мейірімділік пайда қылғандығы да Оның белгілерінен. Сөз жоқ, осыларда ойланған елге белгілер бар».
Дініміз отбасы мәселелеріне ерекше көңіл бөліп, отбасыға қатысты заңдарды егжей-тегжейлі баяндаған. Оның ішінде әрбіл тұлғаға отбасын құрмай тұрып болашақ жар таңдау құқығын, некелесу шарттарын, ерлі-зайыптылардың құқықтары мен бір-бірінің алдындағы міндеттерін асырау мен қамтамасыз етуміндетінің кімге қатысты екенін ата-ана мен бала құқықтары, ажырасуға қатысты ережелерді белгіледі. Құран Кәрім мен пайғамбар сүннеті бұрын соңды ешбір дін не мәдени жүйелерде толыққанды қарастырылмаған ата-ананың баласының, баласының ата-анасының алдындағы міндеттері мен құқықтарын нақты баяндап берді.
«Ер адамдар әйелдерді – Алла оларға бір-бірінен артықшылық бергені әрі олар мал-дүниелерінен жұмсауы себепті — басқарады» деп, Ниса сүресінің 34-аятында баян етілгендей, Ислам діні жанұяның отағасы, басқарушы ретінде хұқықты ер кісіге беріп отыр. Бұл жерде әйел затына төмен қарап, ер кісіні жоғары санап тұрғаны жоқ. Қайта, Ислам діні ер кісінің игі бастамаларына әйелді қолдаушы, ақылшы етіп, сенімді сүйеуші ретінде көрсетеді.
Ер кісі ең әуелі отбасының намысын қорғау, әйелінің, бала-шағасының напақасын тауып беру, үйге қажетті нәрселерді және сыртқы ауыр немесе жеңіл істердің барлығын қамтамасыз етуді міндеттейді. Өйткені, Құранда Бақара сүресінің 233-аятында: «… Ананың тиісті қорегі мен киімі баланың әкесіне жүктеледі …» — десе, хадисте Муғауия бин Хайда (р.а) Пағамбарымызға (с.ғ.с.) келіп: «Уа, Расулаллаһ! Әйелдердің біздің мойнымыздағы ақысы не?» — деп сұрағанда, Пайғамбарымыз (с.ғ.с.): «Ішіп-жегенің сияқты оны да ішіп-жегізесің, кигенің сияқты оны да киіндіресің, сосын істегендеріңді еш міндетсінбейсің»,-деген.
Ал, әйел заты – әуелі күйеуіне бойұсынуы тиіс, содан кейін өз намысын, бала-шағасының, сондай-ақ үйі мен мал-мүлкін қорғап отыруға міндетті. Пайғамбарымыз (с.ғ.с.): «Әйел бес уақыт намазын оқыса, рамазан айында оразасын тұтса, ар-намысын қорғап және күйеуіне мойынсұнатын болса жәннәт есіктерінен қалағанына кіреді» — деп, әйел кісінің міндетін дөп басып көрсеткен.
Пайғамбарымыз (с.ғ.с.): «Барлығың да бақташы секілдісіңдер және барлықтарың қоластыларыңдағылар үшін жауап бересіңдер. Басшы — бақташы. Ер адам — отбасының бақташысы. Әйел — ерінің шаңырағы мен балаларының бақташысы. Қысқасы, әрбірің бақташысыңдар және өздеріңе бағынышты жандар үшін жауаптысыңдар»-деп, ерлі-зайыптылардың міндеттерін ашық-айқын көрсеткен.
Ислам отбасының ең әуелі сенім мен сүйіспеншілік және түсіністік негізінде құрылғанын қалайды. Бақытты отбасы болашақта ұлы тұлғалардың дүниеге келуіне қабілетті болмақ. Ендеше, елдің, ұлттың болашағы әр отбасында шешіледі, негізі қаланады.
Демек отбасының жаңа ұрпақты тәрбиелеудегі, қоғамдық тұрақтылық пен үдерісті қамтамасыз етудегі айрықша рөлі оның қоғамдағы маңыздылығын айшықтайды.
Асылхан қажы Түсіпбек
ҚМДБ-ның Қостанай облысы
бойынша өкіл имамы
Қандай да бір ұлттың не қоғамның діңгегі әрі маңызды құрылымы – отбасы. Өйткені қоғамның түзелуі мен бұзылуы осы отбасының жағдайымен тығыз байланысты. Ислам дінінің қайнарларынан нәр алған ата-бабаларымыз «Отан – отбасынан басталады» деп, ұлттарды ұйыстырып отырған мемлекеттің ірге тасын бекем ететін отбасы екендігін айтқан.
«Отбасы» сөзінің тілдік мағынасы – адамның жақындары мен туыстары дегенді білдіреді. Ал «отбасы» сөзінің шариғаттағы терминдік мағынасы – ер мен әйелдің некелесуі арқылы шанырақ көтеріп, нәтижесінде ұрпақтарының өсіп-өрбуімен пайда болған, қоғамның негізі болып есептелетін, бір топ адамдар жиынтығы.
Отбасы – адам баласының алтын діңгегі. Өйткені адам ең алғаш шыр етіп дүниеге келген сәтінен бастап, осында ер жетіп, отбасының тәрбиесін алады. Сондықтан отбасы – болашақ ұрпақтың бойында ең құнды адамгершілік қасиеттерді қалыптастыратын қоғамның ажырамайтын басты тірегі.
Қоғамда әдептілік пен инабаттылық өлшемдерінің терең тамырланып, кең жайылынуында отбасының маңызы өте зор. Әрбір жанұяның қос тіреуі – ерлі-зайыптылар өздеріне қатысты әдептілік пен адамгершілік талаптарын, құқықтары мен міндеттерін мүлтіксіз орындаса, кездеспей қоймайтын тіршіліктің ащысы мен тұщысын, суығы мен ыстығын, қайғысы мен қуанышын бірге бөліссе, бүкіл қоғамда, елде бейбіт те берекелі тұрмысқа негіз қаланбақ.
Ислам әйел адам мен ер адам бір-бірін толықтырып тұратындығын және бір-бірі үшін тірек болатындығын бекітіп, қасиетті Құранның Бақара сүресінің 187-аятында: «Олар сендерге киім, сендер де оларға киім іспеттісіңдер» — деген. Сондай-ақ, Құран Кәрім мен пайғамбарымыздың сүннетінде әйел адамға ерекше көңіл бөліп, оның ар-намысын қорғап, қоғамда лайықты орынға ие болуын қамтамасыз етеді. Құранда Алла Тағаланың ер мен әйелдің бір-бірі үшін жаратылғандықтан, өз теңін тауып, отбасын құрғанда жандары тыныштық тауып, бақытты ғұмырдың алғышарттарына қол жеткізетіндігін Рум сүресінің 21-аятында баяндайды: «Сендерге, оған тұрақтауларың үшін өз жыныстарыңнан жұбайлар жаратып, араларыңа сүйіспеншілік, мейірімділік пайда қылғандығы да Оның белгілерінен. Сөз жоқ, осыларда ойланған елге белгілер бар».
Дініміз отбасы мәселелеріне ерекше көңіл бөліп, отбасыға қатысты заңдарды егжей-тегжейлі баяндаған. Оның ішінде әрбіл тұлғаға отбасын құрмай тұрып болашақ жар таңдау құқығын, некелесу шарттарын, ерлі-зайыптылардың құқықтары мен бір-бірінің алдындағы міндеттерін асырау мен қамтамасыз етуміндетінің кімге қатысты екенін ата-ана мен бала құқықтары, ажырасуға қатысты ережелерді белгіледі. Құран Кәрім мен пайғамбар сүннеті бұрын соңды ешбір дін не мәдени жүйелерде толыққанды қарастырылмаған ата-ананың баласының, баласының ата-анасының алдындағы міндеттері мен құқықтарын нақты баяндап берді.
«Ер адамдар әйелдерді – Алла оларға бір-бірінен артықшылық бергені әрі олар мал-дүниелерінен жұмсауы себепті — басқарады» деп, Ниса сүресінің 34-аятында баян етілгендей, Ислам діні жанұяның отағасы, басқарушы ретінде хұқықты ер кісіге беріп отыр. Бұл жерде әйел затына төмен қарап, ер кісіні жоғары санап тұрғаны жоқ. Қайта, Ислам діні ер кісінің игі бастамаларына әйелді қолдаушы, ақылшы етіп, сенімді сүйеуші ретінде көрсетеді.
Ер кісі ең әуелі отбасының намысын қорғау, әйелінің, бала-шағасының напақасын тауып беру, үйге қажетті нәрселерді және сыртқы ауыр немесе жеңіл істердің барлығын қамтамасыз етуді міндеттейді. Өйткені, Құранда Бақара сүресінің 233-аятында: «… Ананың тиісті қорегі мен киімі баланың әкесіне жүктеледі …» — десе, хадисте Муғауия бин Хайда (р.а) Пағамбарымызға (с.ғ.с.) келіп: «Уа, Расулаллаһ! Әйелдердің біздің мойнымыздағы ақысы не?» — деп сұрағанда, Пайғамбарымыз (с.ғ.с.): «Ішіп-жегенің сияқты оны да ішіп-жегізесің, кигенің сияқты оны да киіндіресің, сосын істегендеріңді еш міндетсінбейсің»,-деген.
Ал, әйел заты – әуелі күйеуіне бойұсынуы тиіс, содан кейін өз намысын, бала-шағасының, сондай-ақ үйі мен мал-мүлкін қорғап отыруға міндетті. Пайғамбарымыз (с.ғ.с.): «Әйел бес уақыт намазын оқыса, рамазан айында оразасын тұтса, ар-намысын қорғап және күйеуіне мойынсұнатын болса жәннәт есіктерінен қалағанына кіреді» — деп, әйел кісінің міндетін дөп басып көрсеткен.
Пайғамбарымыз (с.ғ.с.): «Барлығың да бақташы секілдісіңдер және барлықтарың қоластыларыңдағылар үшін жауап бересіңдер. Басшы — бақташы. Ер адам — отбасының бақташысы. Әйел — ерінің шаңырағы мен балаларының бақташысы. Қысқасы, әрбірің бақташысыңдар және өздеріңе бағынышты жандар үшін жауаптысыңдар»-деп, ерлі-зайыптылардың міндеттерін ашық-айқын көрсеткен.
Ислам отбасының ең әуелі сенім мен сүйіспеншілік және түсіністік негізінде құрылғанын қалайды. Бақытты отбасы болашақта ұлы тұлғалардың дүниеге келуіне қабілетті болмақ. Ендеше, елдің, ұлттың болашағы әр отбасында шешіледі, негізі қаланады.
Демек отбасының жаңа ұрпақты тәрбиелеудегі, қоғамдық тұрақтылық пен үдерісті қамтамасыз етудегі айрықша рөлі оның қоғамдағы маңыздылығын айшықтайды.
Асылхан қажы Түсіпбек
ҚМДБ-ның Қостанай облысы
бойынша өкіл имамы
Құрбан айт мерекесіне орай Қостанай қалалық мешітінің ұжымы осындай атаумен рухани шара ұйымдастырды.
Жиында мешіттің бас имамы Шоқан қажы Ғазизұлы мұсылман жамағатты Құрбан айт мерекесімен құттықтап, алғыс сезімін білдірді.
Уағыз- дұғалар оқылып, көрермендер өнерпаздардың діни тақырыптағы ән-жырларымен сусындады. «Жетім қыздың монологы», «Сағыныш» атты қойлымдар жиналған жұртты тәнті етті.
Жазушылар Одағының мүшесі, ақын Жолбарыс қажы Баязид жастарға арналған өсиет жырын оқып берді.
Айбек ЖҮЗБАЙ
Ресей Президенті Владимир Путин Иран әріптесіне Минадағы болған қайғылы оқиғаға байланысты көңіл айтты, деп РИА Жаңалықтар хабарлады.
«Біз осы үлкен қайғылы оқиға болғанын түсіне отырып, тағы да қажылардың қаза тапқандарына байланысты көңілімізді білдіреміз», - деп Иран көшбасшымен кездесуінде Ресей көшбасшысы айтты.
Роухани, өз кезегінде, Меккеде болған қайғылы оқиға Иранды қайғыға түсіргенін растай отырып, Путинге көңіл білдіргені үшін алғысын айтты.
Жақында Әулиекөл ауданына қарасты Құсмұрын түрмесінде жұртты елең еткізер оқиға болды. Онда жазасын өтеп жатқан азаматтар арасында Құран жарысы өткізілді.
Бұл басқосу кезінде жаза басып, сотталған кісілерді үлкен ойда қалдырғаны даусыз.
Жарыс болған жерде жеңімпаздар да анықталады. Бұл Құран сайысына қатысушылардың ішінде 3-еуі жүлделі орындарға ие болып, оларға алғыс хаттар тапсырылды.
Сыйлыққа таспих, қалам, мисуак, әтір (иіс су), тіс щеткасы мен тіс пастасы берілді.
ҚМДБ-ның Қостанай облысы бойынша
өкілдігінің баспасөз қызметі
Үстіміздегі жылғы Құрбан айт мерекесі Қостанай өңірінде жоғары деңгейде аталып өтті. Қазақстан мұсылмандары діни басқармасының облыстағы өкіл имамы Асылхан қажы Түсіпбек аталмыш мейрамда қайырымдылық шараларға да көп көңіл бөлді. Өзі бас болып, өзге имамдарға өнеге көрсетті.
Осы сөзіміздің нақты дәлелі ретінде жуырда Асылхан Мұханбетжанұлы облыс орталығымен іргелес жатқан Қостанай ауданындағы «Маңдай батыр» мешітінің бас имамы Азамат Мурзакановпен бірге 161/2 еңбекпен түзеу мекемесінде болды.
Дін қайраткерлері осында жазасын өтеп жатқандарды Құрбан айт мерекесімен құттықтады, арнайы дастархан жайылды. Оларға сыйлықтар да табыс етілді.
Мұндағы сотталған азаматтар өздеріне жасалған қайырымдылық мақсатындағы ықыласқа дән риза болысты. Мұндай жүздесулерді өткізу өңірімізде дәстүрге айналды.
ҚМДБ-ның Қостанай облысы бойынша
өкілдігінің баспасөз қызметі
Мәскеуде ұзақ уақытқа жалғасқан жөндеу жұмыстарынан соң Собор мешіті бүгін қайта ашылды.
Әлем мұсылмандары үшін қасиетті діни мерекелердің бірі – Құрбан айт қарсаңындаөткен мешіттің ашылу салтанатына Ресей президенті Владимир Путин, Түркия президенті Режеп Тайып Ердоған, Палестина автономиясының басшысы Махмуд Аббас және басқа да мұсылман елдерінен белгілі саясаткерлер қатысты.
Ресми Мәскеу бұны көпконфессиялық Ресейдің қайта түлеуін паш ететін тарихи оқиға ретінде көрсетуге тырысады.
Он жыл бойы реставрациялық жөндеу жұмыстарынан соң ауқымы кеңейтіліп қайта ашылған Мәскеудің Собор мешіті Еуропадағы аса үлкен мешітке айналғаны хабарланды. Бұрынғысынан 20 есеге үлкейіп, 19 мың шаршы метрге жеткен мешіт көлемі оның алты деңгейінде бір мезгілде 10 мың адамның намазға жығылуына мүмкіндік береді. Мешіт мұнарасының биіктігі 78 метрге жетсе, алтын жалатылған күмбездің биіктігі – 48 метр. Ресми ақпарат бойынша, мешітті қайта жөндеуге 170 миллион доллар жұмсалған. Оның елеулі бөлігін бизнесмен Сүлейман Керимов берген, сонымен бірге шетелдерден – Түркия және Палестина басшысы Махмуд Аббас та үлес қосқан.
Халқымыздың сан ғасырдан бергі саналы ғұмырында рухани тірек болған асыл дініміздегі ұлық мейрам – Құрбан айт мерекесі. Бүгін барша мұсылмандар айтулы мерекені қарсы алуда. Марал Ишан мешітінде жиналған жұртшылыққа имамдар уағыз айтып, Ислам дінінің асыл қасиеттері баяндалды.
Сонымен қатар, құрбан шалудың шарттары мен шығу тархи және шариғат амалдарынан сыр шертілді. Ағайын арасын жақындастыра түсіп, кешірім мен мейірім жауған күні Қостанайда Жаратқанның нұры жаңбыр да жауып тұрды. Алайда, берік сенімді мұсылман бауырлар мешіттің ішің де, сыртың да лық толтырды.
Қостанайлықтарды ұлы мейраммен құттықтау үшін облыс әкімі Архимед Мұхамбетов келді. Өз сөзіңде өңір басшысы дініміздің тарихына тоқтап, ыстық лебізін білдірді.
Артынша уәжіп етілген айт намазы оқылды. Ақ ниет тілектер айтылып, мұсылмандар төс қағыстырып, бір-бірін құттықтады.
Құрбан айт құтты болсын, ағайын!
Кенже ҚОНЫСБАЙ
Суреттерді түсірген Айбек ЖҮЗБАЙ
Миләди
Хижри
