Жаңалықтар

Понедельник, 16 Февраль 2015 00:00

«ӘУЛИЕ ВАЛЕНТИН» КҮНІН ТОЙЛАУҒА БОЛА МА?

Кейбір елдерде 14 ақпанда тойлап өтетін «махаббат» күнінің Ислам дініндегі үкімі қандай? Мұсылман ғұламалары оған рұқсат береді ме, әлде рұқсат емес пе? Қай елдерде Әулие Валентин күнін тойлауға тыйым салынды? Бұл күндерді тойлауға Құран мен Сүннеттен негіз бар ма?

Бүгінгі таңда «сүйгенім», «сүйген жарым», «ғашығым» сөздері шариғатқа қайшы махаббат сезімін білдіреді. Бұған шариғатта қатаң тыйым салынған. Шариғатта тыйым салынған нәрсе тойланбау керек. Шариғат таразысына салынып, діни шектеулерден шықпаған дәстүрлі мейрамдарды тойлауға рұқсат бар. Алайда, діни шектеулерден тыс шығатын мейрамдардың барлығын атап өтуге қатаң тыйым салынған. Яғни, біздің дінімізде некесіз “ғашықтардың” болуына жол жоқ. Төменде айтылатын Христиандық оқиға бойынша «Әулие Валентин күні» жастардың дін қызметкерлері арқылы кездесу және дін қызметшінің өліміне (Әулие Валентин) қатысты аталып өтетін болды. Оған қоса бұл күн олардың, яғни Христиан дінінің мерекесі болып бекітілді .Ал олардың тойларын бізге тойлап өту одан да қауіптірек болады.Имаи Табарани Ибн Омардан (радиаллаһу әнһ) Аллаһ елшісінің ﷺайтқаның келтіреді:

”Адамдар хайуандар секілді жолдың бойында жыныстық қатынасқа түспейінше Қиямет күні басталмайды”.

Ақиқатында қазіргі уақытта ондай құбылыстарды байқаймыз: жастардың құшақтасып, сүйісіп, саябақтарда жатқандарын көремсіз. Уақыт өте бұндай істер көбейіп қалыпты жағдайға айналып бара жатқандарын байқаудамыз. Бір христиан дін қызметшісі бұл күнді «махаббат күні» деп бекіткен еді, енді бұл күнде мұсылмандарда бір-біріне сыйлықтар сыйлауда. Әке-ана күндерінде де соны көреміз. Бұдан шығытыны, біз бұл күндері ғана оларды құрметтеп, қуаныш сыйлап, басқа күндері оларды ұмытып қоямыз. Ал Исламның айтатыны: ”Оларды,яғни ата-анаы әр түн,әр сағат олардың алдындағы ақыларынды өтендер”.

«Әулие Валентин (махаббат күнінің)» тарихы

Римдік император Клавдий II үлкен әскер құрғысы келді. Ол ойын іске асыру үшін түрлі әрекеттерге барды. 200 жылы әскерге келген жігіттер отбасыларын, сүйіктілерін ойлап соғысқа бармайтына императордың көзі жетті. Сол үшін император жастарға некелесуге тыйым салды. Сол уақытта император Клавдийға қарсы шығып, жастардың қосылуларына көмектесіп, ғашық жандардың жақын досына айналған «Әулие Валентин» өмір сүрді. Бұл жағдайды естіген император Валентинді абақтыға тастайды. Кейін 14 ақпан күні Валентин өлім жазасына кесіледі. Сол уақыттан бастап ғашық жандар Валентиннің құрметіне осы күнді атап өте бастады.

Ислам дінін де «махаббат күнін» атап өту бар ма?

«Махаббат күні» деп аталатын, адамдардың бейқам жыныстық қатынасқа түсетін күн-христиандардың мерекесі болып есептеледі. Адамдар бұл “қасиетті күнді” тойлаймыз деп қауіпті капиталистік жүйесінің қақпасына түсуде. Ғалымдарымыз махаббат күнін тойлап- тарату — миссионерлік әрекетке және капиталистік жүйе әрекетінің отына «май құюмен» тең деп ескертуде. Сонымен қатар, ислам ғұламалары, бұл күннің зардабынан БАҚ (бұқаралық ақпарат құралдары) арқылы сақтандыру шарасын қолдануды талап етуде.

Мұсылмандарда тек екі мейрам бар.

Ғылыми зерттеу және пәтуа беру комитеті 3.11.1420 жылы махаббат күніне қатысты баға берген. Әр жыл сайын 14 ақпан күні адамдар бір-біріне қызыл раушан сылайды, қызыл киімге киінеді, бір-бірін құттықтайды, кондитерлік дүкендер қызыл түсті тәтті тағамдар пісіреді, тауарларын сату үшін хабарландырулар береді. Комитет бұл күнге қатысты мынадай пәтуа берді:

«Исламда тек екі мейрам бар екеніне Құран мен хадисте ашық дәлелдер келген.Олар Рамазан айы аяқталғандағы және Құрбан айттағы мереке.Бұл екі мейрамнан басқа пайда болған мерекелер уақыт өте келе пайда болған мерекелер. Мұсылман адамға бұл мерекелерді тойлауға, оларды мойындауға, ол мерекелерге қатысты қуануға, бұл мерекелерді тойлап өтулеріне себепші болуға тыйым салынады».

Мұсылмандар үшін христиандардың және пұтқа табынушылардың мерекелерін тойлауға болмайды.

Пәтуада: «Алдыңғы заманда, кәпірлердің мерекесі болып есептелген мерекеге қатысу әрі тойлау үлкен күнә екені айтылған. Өйткені, бұл амалымен мұсылман адам оларға, яғни кәпірлерге махаббат және достық қойған болып есептеледі. Құранда Аллаһ Тағала оларға еліктеуге, махаббат және достық қоюға тыйым салған. «Махаббат күні» де осыған жатады, себебі ол мереке көпқұдайшылар мен христиандардың мерекесі болып табылады. Сол себептен, Аллаға және Қиямет күніне иман келтірген мұсылман адам бұл мерекені тойлауға ,мойындауға және адамдарды құттықтауына болмайды. Керісінше, Аллаға және Оның Елшісіне ﷺ бойұсынып, бұл күнді тойлаудан бас тартып, Алланың ашуын шақыратын және тозаққа түсуіне себеп болатын амалдардан аулақ болуы керек».

Махаббат күніне қатысты қызметтер де харам

Сондай-ақ, мұсылман адамға махаббат күнін тойлауға көмектесуге болмайды: тамақтарын пісіріп беру, саудалар жасау, бір нәрсе жасап беру, сыйлықтар сыйлауға, ашық хаттар жолдау (открытка), хабарландырулар жасау. Жоғарыдағы пәтуаның жалғасында айтылады:

«Әр уақытта, әсіресе осы күні Аллаһтың кітабы Құранды және Пайғамбарымыздың ﷺ Сүннетін бекем ұстануымыз қажет. Аллаһтың ашуына ұшыраған, бұзылған яһудийлердің және Аллаһтың Құдіретімен Ұлықтығынан қорықпайтын, Исламды мақтан тұтпайтын адасқан христиандардың айласына түсіп қалмау үшін мұсылмандарға өте ақылды және парасатты болулары қажет.»

Ислам дінінде «махаббат күні» деген күн жоқ

Мармара (Турция) университеті теологиялық факультетінің оқытушысы, доцент Недим Урхан махаббат күніне қатысты айтқан пікірі:

«Біз, әлбетте, христиан дәстүріне еліктеп, жақсы көрген адамдарымызға сезімімізді білдіруді бір күнге шектеп қоюға бір ауыздан қарсымыз. Ислам дінінде махаббат уақытша емес тұрақты болады. Мұсылманның махаббаты тек денелік, нәпсіні қандыру махаббаты емес. Махаббаттың мағынасы қазіргі уақытта өзгеріп кеткен. Дұрыс мағынасын ажырата білуіміз керек. «Махаббат күніндегі» махаббаттың мағынасына Ислам дінімізде орын жоқ. Адам некелескен уақытта уақытша некелеспеген секілді махаббат күніндегідей бір күндік “махаббат” болмайды. Адам қол орамалы емес қой, қолданып болғаннан кейін лақтырып тастайтын!.»

Эрзурумдегі Ататюрк университетінің,Теологиялық факультетінің оқытушысы профессор Мустафа Агырман махаббат күніне қатысты айтқан сөздері:

«Махаббат күні және сол секілді күндер бұл — тұзақтардың бірі. Капиталисттік жүйе барлық заттарды қолданғандай біздің сүйіктілеріміздіде қолдануда және біздің сүйіктілеріміз арқылы үлкен жетістікке жетуде. Бұның барлығы жақсы іске асқан маркетингтік тәсілдер. Ислам бұған қарсы тұрады. Христиан дінінің дәстүрі біздің ұлттық құндылықтарымызға, әсіресе, дінімізге зиян келтіретіндіктен, мұсылмандар бұл күнге бір ауыздан қарсы және бұл шындықты адамдарға түсіндіріп, жеткізуіміз керек”.

Ислам сенімі бұған жол бермейді

Хақ ислам сенімінде басқа дін өкілдерінің мерекелерін тойлауға тыйым салады. «Фатауа әл-Хиндияда» айтылады:

«Мұсылмандардың мұсылман емес қауымның мерекелерін тойлаулары, оған қатусулары, олардың мерекелерін қабылдаулары олардың күпірліктеріне қолдау көрсетуден басқа ештеңе емес».

Махаббат күнің тойлауға тыйым салынған елдер

Малазияның дін істер мемлекеттік ұйымы «махаббат күнін» тойлауға тыйым салды. «Махаббат күнін» тойлау Өзбекстанда да тыйым салынған. Өзбек елі 14 ақпанда концерттер мен ойын сауық ұйымдастыруға тыйым салынды. Өзбекстаннан кейін, Түркменстанда «Әулие Валентин күнін» тойлауға тыйым салды. Иранда 14 ақпан күні «махаббат күніне» қатысты жарнамалар, тауарлар сатуға тыйым салынды. Сондай-ақ, Сауд Арабияда да бұл күнді тойлауға тыйым салынған. Олар «махаббат күні» пұтқа табынушылардың мерекесі және ол мереке некесіз қатынасқа шақырады деп тыйым салған болатын. 2004 жылы ««Махаббат күні» пұтқа табынушылардың, христиандардың мерекесі, ал, Аллаға және Қиямет күніне иман келтірген адам Алланың азабына ұшырап қалмауы үшін бұл мерекені тойламау керек» деген пәтуа шыққан болатын. Ресейдің Белогордтық облысында «Бұл мереке жастардың рухтарына кері әсерін тигізеді және бұл дәстүрімізге жат мереке» - деп бұл мерекеге тыйым салған.

Ең жақсы көзқарас-ақиқат

Кейіп-келбет, сексуалдық шабыт арқылы сүйікті болғандар өмірді тек ішіп-жеу ,рахаттануда деп есептейді. Бұлар ақиқатты өмірлік күш-қуаттарын жоғалтқаннан кейін ғана түсінеді.

Құдіретті Алла айтады:

«Дүние тіршілігі еш нәрсе емес. Ойын-сауық ғана .Әрине ақырет жұрты тақуалар үшін жақсы. Сонда да түсінбейсіңдер ме?» (Әнғәм сүресі, 32 аят)

«Адам баласы үшін әйелдер, балалар,а лтын күмістен жиналған қазыналар, сәнделген аттар, малдар және егіндерді қызыға сүю әдемі көрсетілді. Бірақ олар дүние тіршілігінің сәні. Негізінде орынның жақсысы Алланың қасында» (әл-Имран сүресі, 14 аят)

Бұндай жолмен қосылған ғашық жандардың некелері тұрақты әрі баянды болмайды.Оған келесі өмірден алынған оқиғаны ұсынамыз (есімдерін жарияламауды жөн көрдік):

«Отбасы құрғанымызға екі жылдан асты. Мен оған соңғы уақытта Алла сені Өз азабына алсын деп айтатын болдым. Біз әр ұрысқан сайын ол мені өзінің бұрынғы жігіттерімен салыстыратын болды. Ұрыстан кейін олай неге айтқанын сұрағанымда ашу үстінде айтқан сөздер ақиқатқа сай келе бермейді деп жауап қайтаратын. Біздер сондай жалындаған махаббаттың ыстығымен қосылғанбыз. Менің оған жасамаған жақсылығым жоқ шығар, сірә? Бірақ, сонда да ол жақсылықты түсінбеді. Достар, үйленер алдында өте мұқият болыңыздар. Таңдап жатқан қызыныздың сізге дейінгі өмірін жақсы білетіңізге көзіңізде жеткізіп алыңыздар. Бұндай қатынастың 90 пайыздан жоғары тұрақты некемен аяқталмай жатады. Сондай бұзылған, қызу мінезді жігіттер отбасы құру үшін пәк қыздарды жолықтырғылары келеді. Некесіз жүріс себебінен мұндай жігіттердің тұзағына түскен қыздар бәрінен шоңқиып құр қалып жатады. Жігіттердің ішінде қыздармен саудаласатын адамдарға жүгінетіндері де болады.

Доктор Джемаль Зеки Онал қылымсыған қыздар жайында жақсы мысал келтіреді:

«Махаббатпен ойнайтын қыздар пышақпен ойнап, өздерін жарақаттап алған нәресте секілді. Бұл жара өте ауыр болып келеді. Қыздарда пәктігін,арын жоғалтып түрлі пәлеге жолығады. Ал жігіт болса кішкентай бала жаңа қуыршақ іздегендей, өзіне жаңа құрбан іздей бастайды».

Әрине, Алла ер мен әйелді бір-бірлері үшін жаратты.

Ұлы Алла айтады:

«Сендерге, оған тұрақтауларын үшін өз жыныстарыңнан жұбайлар жаратып, араларыңа сүйіспеншілік, мейірімділік пайда қылғандығы да Оның белгілерінен. Сөз жоқ, осылар хақында ойланған елге белгілер бар» (Рум сүресі, 21 аят)

Аллаһ Елшісі ﷺ айтты:

«Ей, жастар! Кімде-кім үйленуге шамасы келсе үйленсін. Өйткені, бұл оның көзін күнәдан сақтауға және тақуа болуына ықпалын тигізеді. Ал, кім бұлай жасауға шамасы келмесе ораза ұстасын. Өйткені ораза оның нәпсісін басуға көмектеседі» (Бухари, Муслим)

Бірақ Пайғамбарымыздың ﷺ кезінде де ,одан кейінде, бірде-бір ғалым некеге дейін жыныстық қатынасты рұқсат деп айтпаған. Имам Раббани айтады:

«Егерде, үйленген жігіт немесе күйеуі бар әйел жыныстық қатынасқа түсетіндей уақыт бойы жабық бөлмеде қалатын болса олардың некелері бұзылады. Егер есігі ашық болса үкімі өзгереді»

Бір адам: «Мен жай ғана дос қыз емес, әйел іздеп жатырмын» деуі мүмкін. Оны әйелдікке алам дейсің, оны қашан алмақсың? Қалайша бұны ғашықтар күнімен байланыстыруға болады? Бұл — зинақорлардың күні, өйткені бұл — неке қимаған ғашықтардың күні. Олар махаббат некеден кейін жоғалады дейді. Өйткені, өздері үйленгенге дейін барлығын жасап, отбасылық өмірге түк те қалдырмайды. Сол үшін адамдар ажырасып жатыр. Ал, ата анасы себебімен құдаласу арқылы үйлегендерге қызықтың барлығы некеден кейін ашылады да, олар соның берекетін өмірлерінің соңына дейін көреді. Исламда тәртіп осындай.

Қорытынды

Түрік жазушысы Неджип Фазилдің бұл тақырыпқа қатысты айтқан сөзі:«Егер Ислам Еуропадан таралғанда барлық адамдар мұсылман болар еді». Бұл сөзде үлкен мағына жатқанын түсінген адам біледі. Біз батысқа еліктеп, шайтанның тұзағына түсудеміз. Батысқа еліктейміз деп олардың қуыршағына айналып болдық. Жан қалауларымызға ереміз деп, мәңгілік ақыретіміздін айырылып қалмайықшы.

Аллаһ Тағаладан шайтанның азғыруынан пана сұраймын!

Мақала islam-today.ru сайтынан аударылып, өңделді.

Published in Фиқһ

Понедельник, 16 Февраль 2015 00:00

Тағылымы мол танымдық кеш

Қостанайдағы Мәуліт мерекесі биыл да жоғары деңгейде өтті

Ұлы Мұхаммед Пайғамбарымыздың туған күні, яғни Мәуліт мерекесін жылда қостанайлық ағайындар жоғары деңгейде атап өтуге ерекше ден қояды. Биыл да мұндағы мұсылмандар қауымы оны асыға күткен болатын. Облыстық Марал ишан мешітінің ұжымы бұл мейрамға үлкен дайындықпен келді.

Облыс орталығындағы балалар шығармашылық мектебінің ғимаратына халық алдын-ала хабарланғанындай, дер кезінде жиналды. Олардың арасынан әдеттегідей үлкенді де, кішіні де көресіз. Бұл, ең алдымен, осындағы бауырларымыздың өзіміздің осынау діни мерекемізге ерекше бетбұрыс жасап жатқандықтарын да айқын көрсетеді.

Сонымен, аталмыш парасат ордасындағы Мәуліт мерекесін елге сыйлы азамат Дүйсен Дайыр Құран оқу рәсімімен бастады. Содан кейін өмірдің біраз өткелдерінен өткен қажы апаларымыз шашу шашты. Басқосуды жүргізушілер мерекенің тізгінін қолдарына алды.

Залға жиналған барша жұртшылықты Қостанай облыстық мәслихаттың хатшысы Сайлаубек Есжанов мерекемен шын жүректен құттықтап, оларға отбасында бақыт, жұмыстарында табыс тіледі. Осындай кештің қашан да танымдық-тәрбиелік мәні зор екендігіне тоқталды.

Одан кейін сөз алған Қазақстан мұсылмандары діни басқармасының Қостанай облысындағы өкіл имамы, дін қайраткері Асылхан қажы Түсіпбектің ой-толғамдары мен ізгі тілектері де көпшіліктің жадында ұзақ сақталатындығы даусыз.

Өйткені оның Мәуліт мейрамының күллі мұсылманның өмірінде алатын орны жайлы толғаныстары жерлестеріміздің көңілінен шығып, ұмытылмастай әсер қалдырды.

Мұндай үлкен мерекелер ән-күйсіз, терме және театрландырылған көріністерсіз өтпейтіндігі белгілі. Сондықтан көпшілік Әсел Жұмақұлованың орындауындағы «Иман келтіру» әнін ерекше ұйып тыңдады. Себебі оның шырқаған туындысында замандастарымызға ой салып, жүректерін тебірентетін үлкен мазмұн мен мән жатыр еді.

Содан кейін дін тақырыбына қалам тартып жүрген көрнекті ақын, «Мінәжат» кітабының авторы, Қазақстанның мәдениет қайраткері Ақылбек Шаяхмет өзіне тән шеберлікпен сөз сөйледі.

Зиялы қауымға Қазақстан Республикасының еңбек сіңірген мәдениет қызметкері, композитор Қалибек Деріпсалдиннің есімі белгілі. Оның орындауындағы үстіміздегі жылғы Ұлы Жеңістің 70 жылдығына арналған «Жеңіс» күйі де үлкен шабытпен жазылғаны айқын көрінді. Сондықтан бірден жұртшылықтың назарын аударды.

Дарынды өнер қайраткері өзінің шынайы талантымен залда отырған үлкенді-кішілі қауымды баурап алды. Күй құдіретінің қандай болатындығын қостанайлықтар тағы да сезінді.

Барша азаматтар үстіміздегі жылы 15 жылдық мерейтойларын атап өткелі отырған Ілияс Омаров атындағы облыстық қазақ драма театры әртістерінің өнеріне қашан да тәнті. Осынау Мәуліт мерекесінде өнер ордасының актерлері «Ауыл мешіт имамы» деп аталатын туындыны көпшілікке ұсынды.

Бұл көріністе басқосуға келген ағайынның көз алдына ауыл мешіті имамының тыныс-тіршілігінен, оның халықты имандылыққа баулудағы өмірінен сыр шертілді.

Мұндай кештерде жұртты адамгершілікке, ізгілікке шақыратын шығармалардың алар орны бөлек. Оны Мәуліт мерекесін ұйымдастырушылар да алдын-ала, жан-жақты ойластырғаны аңғарылды.

Осы сөзіміздің жарқын айғағы ретінде Жұмағаным қажы Толыбаеваның орындауындағы «Бір құдайдан тілеймін иман» деп аталатын тағылымы мол дүниенің де залда отырған жұртшылыққа тигізген әсері ерекше болды деп айтар едік.

Сонымен қатар Боранқұл Құрманқұлұлының «Толғауы», Абзал Нағашыбайұлының «Әуелі Алла жаратты» термесі басқосудың ажарын барынша аша түсті. Мұндай ұлттық нақыштағы шығармаларды көптен бері естімеген жұрт рухани жағынан байып қалды.

Айтыс десе елеңдемейтін әрі делебесі қозбайтын қазақ бар ма? Осы мәртебелі мейрамға арнайы шақырылған аса дарынды айтыс ақындары Айбек Қалиев пен Айнұр Тұрсынбаеваның суырып салма өнері де көпшілікті дән риза етті.

Кештің соңында ұлы Пайғамбарымыздың «Қоштасу хұтпасы» да оқылды. Мешіттің жұмысының жанданып және Мәуліт мерекесінің жылдағы қалыптасқан дәстүр бойынша тиісті деңгейде өтуіне өздерінің қомақты үлестерін қосып жүрген ардақты ақсақалдар мен зиялы азаматтарға көпшіліктің алдында сый-құрмет көрсетілді.

Облыстың бас имамы Асылхан қажы Түсіпбек сахнаға көтеріліп, осы күнгі мейрамның мән-мазмұнының арта түсуіне септігін тигізген бірқатар жерлестеріміздің аты-жөндерін мақтанышпен атай келіп, нағыз дін жанашыры Міржақып Дулатов атындағы Қостанай инженерлік-экономикалық университетінің доценті, ұстаз Хайша Мылтықбайқызының 60 жылдық мерейтойымен құттықтады.

Сондай-ақ оған кілем сыйлап, алдағы уақытта да ғылымның қия жолында және оқытушылық қызметінде тың табыстар тіледі. Сондай-ақ күллі қазақ еліне есімі кеңінен танымал ақын, көптеген республикалық жыр мүшәйраларының жеңімпазы Ақылбек Шаяхметке Қазақстан мұсылмандары діни басқармасының мақтау грамотасы салтанатты түрде тапсырылды.

Сонымен қатар, есімдері күллі қазақ еліне белгілі абыз ақсақалдарымыз, Қостанай қаласының құрметті азаматы Жолбарыс қажы Баязид пен ел құрметіне бөленген Мырзағали қажы Ғабдуллинге де грамоталар табыс етілді. Бас имам оларға алдағы уақытта мықты денсаулық тіледі.

- Бұл балалар шығармашылығы мектебінің ғимаратындағы кеш те жерлестеріміздің жан дүниесін рухани жағынан байытып, арнайы келген қандастарымыздың Мәуліт мерекесі жөніндегі танымын одан әрі кеңейткені сөзсіз.

Бұл орайда облыстың бас имамы Асылхан қажы Түсіпбек пен басқа да жанашыр да іскер азаматтардың қосқан үлесі мол, - дейді Қазақстан қажылар қауымдастығы облыстық филиалының төрағасы Жақсылық қажы Ғайсин.

ҚМДБ – ның Қостанай облысы бойынша
өкілдігінің баспасөз қызметі

Published in Жаңалықтар

Пятница, 13 Февраль 2015 00:00

Тұңғыш рет республикалық имамдар форумы өтеді

Астанада 19 ақпанда тұңғыш рет «Ислам – бейбітшілік пен келісім діні» тақырыбында І республикалық имамдар форумы өтеді. Қазақстан мұсылмандары діни басқармасы өткізетін республикалық имамдар форумына еліміз бойынша 500-ге жуық өкіл имамдар мен аудан, ауыл молдалары қатысады.

Аталмыш шара барысында еліміздің қоғам және мемлекет қайраткерлері, атап айтқанда, Бас мүфти Ержан қажы Малғажыұлы, қоғам қайраткері Мырзатай Жолдасбеков, республикалық ардагерлер ұйымының төрағасы Өмірзақ Озғанбаев сынды танымал тұлғалар қатысып, баяндама жасайды.

Форумда дін саласындағы өзекті мәселелер қозғалып, оларды еңсеру жолдары талқыланады. Форум жұмысының басты мақсаты – «Қазақстан мұсылмандарының тұғырнамасы», «Шынай мұсылманның тұлғалық келбеті», «Имамның тұлғалық бейнесі» және «Дін қызметкерінің қызметтік этикасы» сияқты маңызды құжаттар қабылданады деп күтілуде.

muftyat.kz

Published in Жаңалықтар

Четверг, 12 Февраль 2015 00:00

Мешітте семинар өткізілді

Қостанай облыстық Марал ишан мешітінде өңірдегі барлық деңгейдегі имамдардың біліктілігін көтеруге ерекше көңіл бөлініп келеді. Мұндағы қызметкерлер ҚМДБ-ның дін қайраткерлерінің алдына қойып отырған келесі міндеттерін күнделікті жұмыстарында басшылыққа алып отырады.

Облыстың бас имамы Асылхан қажы Түсіпбек бұл өзекті мәселені үнемі қадағалап, жұмыс барысында біліктілік, іскерлік жайларына да жеткілікті назар аударады.

Мәселен, жуырда ғана облыстық мешітте төрт күндік семинар өткізілді. Оған өңірдегі барлық аудандар мен қалалардың имамдары қатысып, көп жайды көңілге түйді. Онда Ақида, фиқһ тақырыптары бойынша дәріс оқылды. Дәрісті облыстық Марал ишан мешітінің наиб имамдары Дархан Сыздықов пен Асқар Мейрамбекұлы жүргізді.

- Біздің мешітте мұндай семинарлар өткізу дәстүрге айналды. Өйткені оның барша имамдарға берері мол. Сонымен қатар осындай басқосу барысында олар бір-бірімен тәжірибе де алмасады. Болашақта да осындай семинарларды ұйымдастыра бермекпіз, - дейді наиб имам Дархан Сыздықов.

ҚМДБ – ның Қостанай облысы бойынша
өкілдігінің баспасөз қызметі

Published in Жаңалықтар

Вторник, 10 Февраль 2015 00:00

Тобылдағы Мәуліт

Тобыл кенті Таран ауданында орналасқан. Оны тоғыз жолдың торабы десек те болады. Онда да қаншама қандастарымыз бен мұсылмандар қауымы ғұмыр кешіп жатыр.

Жақында Қазақстан мұсылмандары діни басқармасының Қостанай облысындағы өкіл имамы Асылхан қажы Түсіпбек осы елді мекенде болды. Облыстың бас имамы осынау мерекенің танымдық-тәрбиелік мәніне ерекше тоқталды. Барлық жиналған жұртшылыққа ең ізгі тілегін білдірді.

Жергілікті ағайындар да оның ғибратты сөзін ұйып тыңдады. Сонымен қатар осы басқосуда Тобыл кентінің құрметті азаматы Мұңайтпас Батырбекұлы және облыстық теміржол мекемесі басшысының орынбасары Серік Доданов та көпшілікті Мәуліт мейрамымен құттықтап, олардың отбасыларына табыс тіледі.

Сондай-ақ осы мерекеде концерт қойылды. Тәрбиелік мәні ерекше терме орындалып, айтыс ұйымдастырылды.

ҚМДБ – ның Қостанай облысы бойынша
өкілдігінің баспасөз қызметі

Published in Жаңалықтар

Вторник, 10 Февраль 2015 00:00

Жетім көрсең жебей жүр

Қазақ халқы қашан да жетімдерін жылатпай, оларға қамқорлық жасаған. Облыстық Марал ишан мешітінің ұжымы да облыс орталығындағы осындай бүлдіршіндер тәрбиеленіп жатқан мекемедегі балдырғандарға үнемі жете көңіл бөліп келеді.

Жуырда аталмыш мешіттің наиб имамы Асқар Мейрамбекұлы және Түркиядан келген Нұх Темірджи облыстық балалар үйінде болды. Онда мұндағы ұл мен қыздарға қайырымдылық көмек көрсетілді.

Сондай-ақ Асқар Мейрамбекұлы өздерімен жүздескен тәрбиеленушілермен еркін сұхбаттасты. Имандылық және басқа да тәрбиелік мәні зор тақырыптар жайында уағыз айтты.

Балалар үйіндегі ұл мен қыздар өздеріне арнайы ат басын бұрған мешіт қызметкерлеріне дән ризашылықтарын білдірді. Өйткені мұндай кездесулердің олар үшін қашан да берері мол екендігі даусыз.

ҚМДБ – ның Қостанай облысы бойынша
өкілдігінің баспасөз қызметі

Published in Жаңалықтар

Вторник, 10 Февраль 2015 00:00

Науырзымдағы танымдық басқосу

Осындай Мәуліт мерекесіне арналған ерекше басқосу облыс орталығынан едәуір жерде жатқан Науырзым ауданының орталығында да ұйымдастырылды. Кеш осындағы Жамбыл атындағы орта мектептің акт залында өтті.

Әрине, оның танымдық-тағылымдық жағына айрықша назар аударылды. Қостанайдан арнайы шақырылған Қазақстан мұсылмандары діни басқармасының Қостанай облысындағы өкіл имамы Асылхан қажы Түсіпбек аудандағы барша мұсылманды Мәуліт мерекесімен шын жүректен құттықтады.

«Әкім бол, халқыңа жақын бол» демекші, аталмыш мейрамның жоғары деңгейде ұйымдастырылуына аудан әкімі және басқа да мекеме қызметкерлері демеушілік етті. Жиналғандар оларға өздерінің ыстық ықыластарын білдірді.

ҚМДБ – ның Қостанай облысы бойынша
өкілдігінің баспасөз қызметі

Published in Жаңалықтар

Пятница, 06 Февраль 2015 12:35

akmechet.kz/kz/muslimdates.html

Published in Баннеры

Пятница, 06 Февраль 2015 00:00

ӘЙЕЛ ӘУРЕТІНІҢ ТОЛЫҚ ТҮСІНІГІ МЕН ҮКІМДЕРІ

Сұрақ:

Әйелдің әуретіне (махрамның, мұсылман не мұсылман емес әйелдердің алдында) не жататынын толығарақ түсіндіріп берсеңіз. Адамдардың арасында осы сұрақтан дау көп болғандықтан, жауабыңызда өмірдегі түрлі жағдайларды қамтып кетсеңіз дұрыс болар еді.

Жауап:

Бұл дүниеде барлығына, ал о дүниеде иман келтіргендерге ғана мейірімді бір Алланың атымен бастаймын.

Ислам дінінде әйел адамға да, ер адамға да әуретті жерін жабудың маңызы өте зор, себебі Құран мен Сүннетте бұның қажеттілігіне үлкен көңіл бөлінген. Әйел мен ер адамның әуретін ауқымды түрде талқылайтын бірқатар фиқһ кітаптары бар. Осы мақалада мен әйелдің «әуреті» атауын түсіндіріп, оны жан-жақты қарастыруға тырысамын.

“Аура” – араб тілінің термині, көпше түрі “аурат” болады. Бұл сөздің тілдік мағынасы – “жасырын, құпия жер”, ал адамның ауратына оның басқа адамдардың назарынан жасыратын жерлері жатады. Қай жердің ашық қалуы ұятты болса, соның барлығы әурет болып есептеледі. Сәйкесінше, жаңалаштануы адамды ұялтатын дене мүшелерінің барлығын әуретке жатқызамыз [1].

Фиқһ ілімінде «әурет» деп, киім астында жасырылуы қажет дене мүшелерін айтамыз. Бұл біздің тілге “жалаңаш жер” немесе “жасырылуы қажет дене мүшесі” деп аударылады. Кейбір адамдар (Үнді, Пәкістан елдері) бұл түсінікті “сатар” сөзімен белгілейді. Түсініспеушіліктің алдын алу үшін біз “әурет” сөзін қолданамыз, ин ша Аллаһ.

Әйелдің әуреті

Жалпы алғанда, әйелдің әуретін екі бөлуге болады:

1) Намаздың кезінде;

2) Намаздан тыс.

Екіншісі өз алдына мынадай түрлерге жіктеледі:

Жалғыз болғанда;

Күйеуінің алдында;

Мұсылман әйелдер алдында;

Махрамға (күйеуге шығуға тыйым салынған туыстар) жататын ер адамдар алдында;

Махрамға жатпайтын ер адамдар алдында;

Мұсылман емес әйелдер алдында;

Мұсылман емес, бірақ махрамға жататын ер адамдар алдында;

1) Намаздың кезіндегі әурет

Намаз кезінде әйелдің әуретіне бүкіл денесі жатады, бет жүзі, қолдың буыны мен аяқтың табанынан басқа. Аллаһ Тағала былай дейді:

«Ей, адамның балалары! Қашан да, қайда болсаңдар намаздың кезінде ең көркем жамылғыларыңды (зиина) киіңдер» [2].

Осы аяттың (және басқа да дәлелдердің) негізінде көптеген сахабалар (радиаллаһу әнһум әжмағин), олардан кейінгілер (табиғун), фақиһтер және Құранның тәпсіршілері намазда әуретты жасыру парыз деп шешті [3].

Сайида Айшадан (радиаллаһу әнһә) жеткізілгендей, Алланың елшісі :

«Етеккірі келген (яғни, балиғат жасына жеткен), бірақ бас жамылғысын (химар) кимеген әйел адамның намазын Аллаһ қабыл етпейді » деді [4].

Ұлы ханафи фақиһі имам әл-Хаскафи (рахимахуллах) өзінің әйгілі еңбегі «Дурр әл-Мухтарда» былай дейді:

«Ерікті (яғни күн емес) әйелдің ауратына, ең сенімді пікір бойынша, оның шашымен қоса бүкіл денесі жатады, оның беті, қолының буыны мен табанынан басқа» [5].

Демек, әйел адамға намаз орындау үшін ауратын жақсылап жасыру қажет. Бет, қол мен табаннан басқа жердің барлығы жабық болуы керек. Басын бір де бір шаш көрінбейтіндей етіп жабу қажет, — тек беттің сопағы ғана көрінуі тиіс. Дәл солай білек пен тобықтың толық жабылғанына көңіл бөлген жөн.

Бір жайтты есте сақтау керек: әйелдің аураты оның намазда жалғыз тұрғанына, жарықта не қараңғыда намаз жасап жатқанына қарамастан жабылуы тиіс [6].

Ең сенімді пікір бойынша, табан аураттың бөлігі болып есептелмейді. Алайда, осы мәселеде қайшылық көп болғандықтан, сақтанып, табанды жабу дұрысырақ болады.

Иек астындағы бөлік туралы айтатын болсақ, беттің тігінен шекарасы – шаштың аяқталған жағынан иектің астына дейін, көлденең шекарасы – екі құлақтың жұмсақтарының арасы [7].

Беттің шекараларын ескеретін болсақ, иектің ұшының астындағы бөлік бетке жатпайды, сондықтан, әуретке жатады. Алайда, сол жерді жабудың қиындығына байланысты, оның кішкене бөлігінің ашық қалуынан ештеңе болмайды.

Қорыта келе, осы бөлімде әйелдің әуреті намаз басталмас бұрын және намаздың аяғына дейін жабық болуы керектігін айтып кеткен жөн. Егер намазда жабылуы тиіс дененің/мүшенің төрттен бір бөлігі намаз басталмас бұрын ашық қалған болса, намаз басынан бастап есептелмейді. Егер де әуретке жататын мүшенің төрттен бір бөлігі намаздың кезінде үш рет «Субхана Аллаһ»деуге жететін уақыт ішінде ашық қалса, намаз бұзылады. Ал егер де ашық қалған дене мүшесі сол уақыт аралығына дейін жабылса, намаз бұзылмайды [ 8].

Ескерту: Білуші адамнан дененің шекараларын қалай анықтайтынын біліп алған жөн. Кейде, адам белгілі дене мүшесін бір бөлік етіп қарастырады, ал фиқһ бойынша сол мүше екі бөлік ретінде қарастырылады.

2) Намаздан тыс әурет

a) Жалғыз қалғандағы әурет

Ханафи мазхабы бойынша, адам жалғаз қалғанда да оған кіндігінен тізеге дейінгі бөлікті жабу — уәжіп (басқа пікір бойынша, мұстахаб). Адам әуретін қажеттіліктен (шомылу, дәретханаға бару немесе киім ауыстыру) ашқан жағдайларда бұл ережеде кешірім бар. Соған қарамастан, бұл жағдайда әуретті барынша жабық сақтауға тырысу керек. Алланың елшісі:

«Ұят – иманның бөлігі» - деді [9].

Яла ибн Умайядан Алланың елшісі былай дегені жетті:

«Расында, Аллаһ ынсапты әрі ұстамды, және ол ынсаптылық пен ұстамдылықты сүйеді. Сендерден біреулерің жуынатын болсаңдар, денелеріңді жабыңдар»[10]. Жалғыз бола тұра, осы бұйрыққа сәйкес амал еткен жөн.

Имам әл-Хаскафи (рахимахуллах)«Дурр әл-Мухтарда»:

«Ең сенімді пікір бойынша, (әуреттің жасырылуы) бір өзің қалсаң да міндет болады, тек әуреттің ашылуына маңызды себептер болмаса».

Алләма Ибн Абидин, рахимахуллах, жоғарыдағы сөздерді түсіндіре кетіп «Радд әл-Мухтар» еңбегінде:

«(Әл-Хаскафидің : «…бір өзің қалсаң да …» сөздері) мынаны білдіреді: ғалымдардың бір ауыздан айтқаны бойынша, намаздан тыс уақытта өз әуретіңді басқалардан жасырын ұстау керек және сенімді пікір бойынша, бұны қасыңда ешкім болмаған кезде де жасау керек …» дейді.

Бұл контекстіде, намаздан тыс кезде жалғыз қалғанда әуретті жабу — кіндіктен тізеге дейінгі бөлікті жабу дегенді білдіріп тұр. Яғни, тіпті әйелге де (жалғыз қалғанда) одан артық жерлерін жабу міндет емес, алайда басқалардың алдында әйелдің әуретіне басқа дене мүшелері де кіреді…

(Әл-Хаскафидің: «…ең сенімді пікір бойынша…» сөздері ) Аллаһ Тағаланың бізді киіммен де, киімсіз де көретініне қарамастан, Ол киімсіз адамдар әдептілікті тастауға, ал киінгендер болса ұстануға жақын екенін көреді. Мүмкін болған кездің бәрінде әдептілікті ұстану – әрқашан да парыз.

(Әл-Хаскафидің: «…маңызды себептер болмаса …» –) Мысалы, дәретханаға барып не жуынатын болсаң (истинджа) [11].

Сондықтан, (сенімді пікір бойынша), әйел адам жалғыз қалса да кіндіктен тізеге (тізені қоса) дейінгі жерін жабу керек; жуыну, дәретханаға бару, киім ауыстыру т.с.с. жағдайлар болмаса.

б) Күйеуінің алдындағы әурет

Негізінде, жұбайларға бір-бірінің кез келген жеріне қарай беруге рұқсат бар. Сол себепті, күйеуінің алдында әурет жоқ десек болады (бұл жерде адам жалғыз қалғанда әурет жабу ережесінде ерекшелік жасалады).

Алайда, жұбайлардың алдында әурет болмаса да, толықтай жалаңаштану ұнамсыз екенін ғалымдар атап өтті. Жалаңаш дененің үстінен жамылғы болса жеткілікті.

Саййида Айша(радиаллаһу әнһә): «Мен Алла елшісінің жыныс мүшелерін ешқашан көрмедім» деді [12].

в) Мұсылман әйелдер алдындағы әурет

Әйелдің мұсылман әйелдер алдындағы әуреті ер адамдың басқа ер адамдар алдындағы ауратымен бірдей, яғни кіндіктен тізеге дейін (тізені қоса).

«Аль-Хидаяда»:

«Әйелге басқа әйелдің (мұсылман) денесінен, ер адамға басқа ер адамның денесінен не көруге рұқсат болса сол рұқсат, өйткені олар бірдей жынысты және араларында қызығушылық «шахауа» болмайды… Және бір–бірінің алдында денелерін ашудың қажеттілігінен» делінген [13].

Осылайша, мұсылман әйелдер алдында әйел кіндіктен тізеге (қоса) дейінгі бөлікті жабу керек.

г) Махрамға (күйеуге шығуға тыйым салынған туыстар) жататын ер адамдар алдында

Махрам (күйеуге шығуға тыйым салынған туыстар) алдындағы әуретке кіндіктен тізеге дейінгі бөлік және іш пен арқа жатады. Махрамға әке, аға-іні, баласы, әкесі жағынан ағасы (әкесінің бауыры), анасы жағынан ағасы (анасының бауыры), қайын атасы, немере, күйеуінің (басқа некеден туған) баласы, күйеу бала (қызының күйеуі) т.б. жатады.

Осылайша, әйелге махрамының алдында келесі бөліктертерді ашуға болады: бас, шаш, бет, мойын, төс қуысы, иық, қол (толықтай) және тізеден төменгі бөлік. Олардың алдында іш, арқа және кіндіктен тізеге дейінгі бөлікті ашуға болмайды [14].

Шариғаттың бұл үкімі «Нұр» сүресінде негізделеді:

«Олар (мұсылман әйелдер) өздерінің әдемілігін ешкімге көрсетпеу керек; күйеулері, әкелері, күйеулерінің әкелері, балалары, күйеулерінің балалары, бауырлары, бауырларының балалары, әпкелерінің балалары мен өздерінің әйелдерінен басқа …» [15].

Бұдан әрі, махрамға олардың алдында ашуға болатын дене мүшелерін ұстауға рұқсат етіледі, бірақ қызығушылық пен еліктірудің болмауы шарт.

Имам әл-Кудури (рахимахуллаh) айтты:

«Қарауға болатын дене мүшесін ұстауда еш жамандық жоқ» [16].

Алайда, фитна пайда болуы мүмкін болған кезде, бұл дене мүшелерін махрамның алдында да ашу және оларды ұстау харам болатынын естен шығармау керек [17].

д) Махрамға жатпайтын ер адам алдында

Махрам емес ер адамдар (әке/ана жағынан ағасының балалары, әпкесінің күйеуі, әкесінің әпкесінің күйеуі, анасының әпкесінің күйеуі, күйеуінің ағасы, күйеуінің інілері ) алдындағы әуретке әйелдің бет жүзі, қолы мен табанынан басқа денесінің барлығы жатады. Бұлардың алдындағы аурат намаздың кезіндегі ауратпен бірдей.

Имам әл-Марғинани (рахимахуллаһ):

«Ер адамға махрам емес болған әйелдің денесіне қарауға болмайды, (өйткені бұл — әурет) оның беті, қол буынынан басқа. Аллаһ Тағала былай деген еді:

«Әйел адам, анығынан басқа, еш әдемілігін паш етпесін». [18].

Саййидина Әли және саййидина Ибн Аббас (радиаллаһу әнһум), бұл жерде қол мен бет туралы айтылып тұр деген екен…

Бұл — әйелдің табанына қараудың харам екендігіне дәлел. (өйткені, бұл аураттың бөлігі), бірақ имам Әбу Ханифа (рахимахуллаһ) әйелдің табанына мәжбүрлік болса, қарауға болады деген екен.» [19]

Имам әт-Тумурташи (рахимахуллах) «Танфир әл-Абсарда»:

«Әйелдің ауратына оның бүкіл денесі жатады, бет жүзі мен қол буынынан басқа. Бұдан әрі, қызығу (фитна) мүмкіншілігі болса, оған басқа ер адамдар алдында бетін ашпаған жөн.

Сол себепті, әйел адамның махрам еместердің алдындағы аураты — бүкіл денесі, бет жүзі, қол буыны мен табанынан басқа.

Ниқаб пен хиджаб мәселесінде және әурет мәселесінде айырмашылық бар екенін ескерту керек. Кейбір адамдар осы екі сұрақты ажырата алмағандықтан, Ислам заңының бұрыс түсініктемесінің құрбаны боп жатыр.

Ғалымдардың пікірі бойынша, бет әуреттің бөлігіне жатпайды, алайда, имам aт-Турумашидің сөзінен түсінгеніміздей, фитна немесе күнәға азғыру қаупі болған кезде, бет жабу міндетті болып есептеледі. Ибн Абидин айтады:

«Жас қызға бет жабу абзал болуының себебі, беттің ауратқа жататындығынан емес, қайта әйелдің еліктіруші болуына сақтанудан» [20]

Бұл жерде біз тек әурет мәселесін қарастырып жатырмыз, хиджаб пен ниқаб мәселесін емес. Бетті жабу не жаппау мәжбүрліктерін талқылауды біз кейінге қалдырамыз.

Тағы да бір ескерту: Ханафи мазхабындағы пәтуә бойынша, әйелдің табаны әуретке жатпайтындығына қарамастан, басқа да (өзге мазхабтарға сай, мысалы шафиғи) күшті пікір бар. Сол бойынша, табан – әуретке жатады және оны жабу керек. Сол себепті, әйел адам табанын жаппаса, фиқһ бойынша онда күнә болмайды, бірақ, сақтық сақтап, сол жерін жапқаны дұрысырақ.

Бұдан бөлек, (ханафи пәтуасы бойынша) тобыққа дейінгі жерді ғана ашуға рұқсат етілген. Тобықтан жоғары бөліктің барлығы әуретке жатады. Әйелдердің көбі жамылғы, бурқа, джилбаб киеді; негізінде олар тобықты жапса да, жүрген кезде (әсіресе желді күні, немесе олар машинада отырған кезде не одан шыққанда) олардың аяғының бөлігі ашылып қалады, ал бұл — күнә, өйткені бір ауыздан әурет деп шешілген дене бөлігі ашық қалады. Сондықтан, табан жабудың керектігін ескерту қажет.

Табан жабу да бет жабу секілді, тіпті одан аса маңызды мәселе. Өйткені, бет әуретке жатпайды, ал табан, ханафи мазхабының күшті пікіріне сәйкес (және басқа мазхаб пәтуаларына сәйкес) әуреткежатады.

Бет жабудың міндет екеніне шақыратындар (мен оларға қарсы келмеймін), табан жабудың маңыздылығы бұдан төмен емес екеніне көңіл аудару қажет. Кейде бет жабуға көп көңіл бөлініп, әйелдің жүргенде тобықтан жоғары бөлігінің ашылуына және оның күнә екеніне назар аударылмайды.

е) Мұсылман емес әйелдер алдындағы әурет

Қатал айтқанда, әйелдің мұсылман емес әйелдер алдындағы әуреті махрам емес ер адамдар алдындағы әуретімен бірдей. Яғни, беті, қол буыны және табанынан басқа бөліктің барлығы.

Жоғарыда келтірілген «Нұр» сүресінде әйелге кімнің алдында әурет ашуға болатындығы жазылған. Бұл адамдар (жоғарыда айтылып кеткендей) «махрам» (күйеуге шығуға болмайтын ер адамдар) туысқандар қатарына кіреді. Бұл аятта Аллаһ Тағала «өздерінің әйелдерін» [21] деп, әйелге жамылғысын басқа әйелдер алдында емес, тек өзінің әйелдерінің алдында шешуге болатынын ескертеді.

Құранның тәпсіршілері бұл аяттың мағынасы жөнінде пікір таластырды. Имам Фахруддин әр-Рази (рахимахуллаһ) айтқандай:

«Аллаһ Тағаланың «және өздерінің әйелдерін» сөздері жөнінде екі түрлі пікір бар.

Біріншісі, бұл жерде бір дін ұстанушы әйелдер жөнінде айтылып жатыр дейді. Бұл ойды ізгі бұрынғылардың (сәләф) көбі ұстанды. Ибн Аббас: «Мұсылман әйелге, мұсылман емес әйел алдында жамылғысын шешуге болмайды, оған тек махрам еместердің алдында рұқсат болған дене бөлігін ашуға болады…» деді. Саййидина Омар ибн әл-Хаттаб Әбу Убайда ибн әл-Джаррахқа (радиаллаһу әнһум) мұсылман емес әйелдерге мұсылман әйелдер баратын моншаға (хаммам) баруға тыйым салсын деп жазды.

Екіншісі, бұл барлық әйелдерге қатысты дейді (яғни, мұсылман әйел жамылғысын барлық әйелдер алдында шеше алады). Біз осы пікірді қабылдаймыз, ал салихалы бұрынғылардың пікірі кемелдікте негізделген (истихбаб)» [22]

Көріп отырғанымыздай, имам әр-Рази(рахимахуллаһ) екінші пікірді қабылдаған, сол бойынша, әйелге мұсылман емес әйел алдында махрам ер адам көзінше ашуға болатын жерлерді ашуға рұқсат.

Соған қарамастан, ғалымдардың көпшілігі алғашқы пікірді ұстанады және бұл — осы мәселе бойынша ханафи мазхабының пікірі. Имам әл-Хаскафи (рахимахуллаһ):

«Сенімді пікір бойынша, мұсылман емес әйел махрам емес ер адам секілді. Сәйкесінше, оған мұсылман әйелдің денесіне қарауға болмайды»[23]

Алләма Ибн Абидин (рахимахуллаh) түсіндіруі:

«Мұсылман әйелге яһуди, христиан, не атеист әйел алдында жамылғысын шешуге болмайды… Одан бөлек, күнәхар (пасық) әйел салихалы әйелдің денесін көрмегені дұрыс, өйткені сол пасық әйел әлгінің денесін ер адамдарға суреттеп беруі мүмкін, сондықтан жамылғыны (жилбаб) немесе орамалды (химар) шешпеген абзал».

Ибн Абидиннің сөзінен мұсылман емес әйелдердің алдында жамылғы шешуге рұқсат етілмеуінің негізгі себебі — олардың мұсылман әйел бейнесін бөгде ер адамдарға суреттеп беру мүмкіндігі.

Сонымен, мұсылман емес әйелдер арасындағы әуретке бет, қол буыны, табаннан басқа бүкіл дене жатады. Сол себепті, әйелге мұсылман емес әйел алдында баршалықты әуретін жабуға тырысу қажет. Соған қарамастан, қиын жағдайларда мұсылман емес әйелдер алдында дене бөлігін ашуға рұқсат етіледі.

Мұсылман емес әйел алдында әурет жабу жөніндегі шариғат шешімі басқа жағдайлардағыдай қатал емес. Өйткені, біріншіден, ғалымдардың арасында қайшылық бар, екіншіден, басқа әйелдер арасында жабыну аса қиын болатын жағдайлар бар. Құранның ұлы тәпсіршісі, әл-Алуси (рахимахуллаһ) былай дейді:

«Бұл пікір (мұсылман емес әйелдер алдында жабынудың парыз еместігі) бүгін біздің заманға жақынырақ келеді, өйткені олардың алдында аурат жабу мүмкін емеске жақын».[24]

Қорыта келе, мұсылман әйелге мұсылман емес әйелдің алдында мүмкіндігінше жамылғысын шешпеген абзал, әсіресе ол мұсылман әйелдің бейнесін басқаларға суреттеуі мүмкін болса. Бұдан бөлек, біздің заманда «лезбияндық» секілді фитна көп таралғандықтан, мұсылман әйелге мұсылман емес әйелдермен қатынаста сақ болу қажет. Соған қарамастан, толық жабыну қиынға соқса, әйелге әуретінің барынша аз бөлігін ашуға рұқсат.

ж) Махрамға жататын мұсылман емес ер адамдар алдындағы әурет

Әйелдің мұсылман емес махрам алдындағы әуретіне келсек, мен бұл жөнінде ханафи мазхабындағы шариғат шешімін таба алмадым.

Бірақ, ең ықтимал жауап, мұсылман емес махрам, мұсылман махраммен бірдей дәрежеде екендігі. Яғни, әйелге олардың алдында іш, арқа және кіндіктен тізеге дейінгі бөліктен басқа бөлікті ашуға рұқсат. Бірақ, фитна қаупі болмауы шарт.

Оған екі себеп бар:

Біріншіден, Құран аяттарында және ғалымдар (фақиһ) сөзіндерінде махрамдар жайында жалпылай айтылады, яғни мұсылман не мұсылман емес деп ажыратылмайды. Құран әйелге әке, бауыры, баласы т.б. алдында аурат ашуға рұқсат етеді (жоғарыда айтылған мөлшерде) және олардың мұсылман болуы шарт емес.

Екіншіден, фақиһтар анық түрде әйелді Меккеге оның махрамынан мұсылманға жатпайтыны да апара алатынын айтты.

Имам әл-Хаскафи (рахимахуллаһ):

«Әйел адам қажылыққа өзінің күйеуімен немесе махрамымен бара алады, тіпті ол (махрам) құл, не мұсылман емес, не сүт бауыр болғандықтан махрам болса да. Ол балиғат жасына жетіп, ақыл тоқтатқан болуы керек. Ал балиғат жасына жақындаған бала, бұл жағдайда балиғатқа жеткен болып есептеледі, бірақ бұл отқа табынушы, бұзылған, бұзықтарға қатысты емес»

Алләма Ибн Абидин (рахимахуллаһ) түсіндіреді :

«Махрамның ішінен отқа табынушылармен сапарға шығудың тыйым салынуының себебі – олар (отқа табынушылар) жақын туыспен некені рұқсат деп есептейді.» [25].

Имам әл-Касани (рахимахуллаһ)айтты:

«Махрам бұл -неке мәңгілікке тыйым салынған адам …оның құл не азат екеніне байланысты емес, өйткені құлдық жақын туыстыққа (махрамияға) кедергі болмайды және де оның мұсылман, мұсылман емес, не атеист екеніне (мүшрик) байланысты емес, өйткені мұсылман емес махрам әдетте әйелге қорғаныш бола алады. Бірақ, бұл отқа табынушыларға қатысты емес, өйткені олар жақын туыспен некені рұқсат деп есептейді.» [26].

«Фатхyл-Қадирде» айтылғандай:

«Әйел адамға отқа табынушыдан басқа кез келген махраммен сапарға шығуға рұқсат, өйткені отқа табынушылар онымен некені рұқсат еткен»[27].

Шафиғи махабында мұсылман емес махрамның алдында жамылғына шешуге болатыны жайлы анық айтылған мәтін бар. Имам Ибн Хаджар әл-Хайтами (рахимахуллаh):

«Жақын туыстың (махрам) кіндік пен тізеге дейінгі бөлігіне қарауға болмайды, ал қалған жерлеріне қарау үшін қызығушылықтың (шахауа) жоқ болуы шарт. Бұл мұсылман емес адамға да қатысты, өйткені жақын туыстық (махрамийя) некеге тыйым болады, сол себепті олар екі әйел немесе екі еркек секілді болады» [28] деді.

Осылайша, әйел адамға денесін (кіндік пен тізеге дейінгі бөлік және арқа мен ішінен басқа) мұсылман емес махрамның алдында ашуға болады. Алайда, төмендегі екі шарт орындалуы тиіс:

1) Қызығушылықтың (шахауат) болмауы және азғыруға (фитна) берілмеу, әсіресе қазіргі заманда мұсылман еместердің арасында инцест көп таралғандықтан

2) Мұсылман емес жақын туыс, жақын туыспен некені рұқсат деп есептейтіндерден болмау керек.

Қорыта келе, біздің тақырыптың үш маңызды мәселесіне көңіл бөлейін:

Біріншіден, жоғарыда айтылып кеткен (түрлі жағдайларда) жабылуға тиісті дене мүшелерінің барлығы кең және мөлдір емес (дененің түсін көрсетпейтін) киіммен жабылуы тиіс. Киім дененің кескіні көрінетіндей жабысып тұрмау керек, және дененің түсін ажырататындай мөлдір болмау керек. Бұл шарттар орындалмаса, әурет толық жабылған болып есептелмейді.

Имам әл-Хаскафи (рахимахуллаһ) айтқандай:

«Әуретті жабатын киім деп, денені көрсетпейтін киімді айта аламыз».

Алләма Ибн Абидин (рахимахуллаһ) түсіндіреді:

«(Денені көрсетпейтін) дегеніміз, сол арқылы терінің түсін ажырата алмайтын киімді айтамыз. Жұқа немесе мөлдір киім қарастырылмайды. Соған қарамастан, матаның тығыздығының себебінен терінің түсі ажыратылмаса, бірақ ол денеге жабысып тұрса, бұл намазды бұзбайды… Алайда, сол дене бөлігіне қарауға болмайды» [29].

Ибн Абидиннің осы түсініктемесінен түсінетініміз, намаздың кезінде киім арқылы тері көрініп тұрса, намаз есептелмейді.

Денеге жабысып тұратын киім кию, өз алдына намазды бұзбайды, бірақ ондайдан сақтанған жөн.

Екіншіден, қызығушылықтың (шахауат) немесе азғырудың (фитна) мүмкіншілігі болса, әйелге толық жабыну парыз болады, тіпті жоғарыда жамылғыны шешу рұқсат етілген жағдайларда да. Жағдайға қарап, әйел адам не істерін өзі шеше алады.

Үшіншіден, әуретті аса мәжбүр болғанда, мысалы, медициналық жәрдем алу кезінде ашуға болады. Алайда, тек қана ем қажет ететін бөлікті ашуға болатынына үлкен көңіл бөлу қажет. Егер де жыныс мүшелеріне ем қажет болса, бұны бірдей жынысты адам жасағаны дұрысырақ. Мұндай мүмкіншілік болмаса, өзге жынысты маманға жүгінуге болады, бірақ шариғаттың заңдары мен ережелері толықтай орындалуы тиіс.

Алләма Ибн Абидин (рахимахуллаһ):

«Дәрігер ер адам болса, оған емдеу мақсатында әйелдің ауруға шалдыққан жеріне қарауға болады, бірақ сол жерге қарауға қажеттілік болуы және тек ем қажет ететін бөліктің ашылуы шарт. Егер де әйелдің жыныс мүшелері ауруға шалдықса, емді әйел адам жасауы тиіс, өйткені оның жыныс мүшесіне әйел адам қарауының зардабы азырақ.»30.

Біз әйел әуреті тақырыбын терең қарастырдық. Әуреттің шектеулері түрлі жағдайларға және адамдармен қарым-қатынасқа байланысты өзгеріп тұруы мүмкін. Бұның негізгі идеясы — Исламның адамды қандай жағдайда болмасын бұзықтық пен ұятты істен сақтайтын өмір салтын ұстануға шақыратындығында. Бұл – таза әрі сау қоғамның негізі. Аллаһ Тағала баршамызды тура жолға салып, Ол риза болатындай Шариғат ережелерін ең көркем түрде ұстануға қабілет берсін.

Аллаһ жақсырақ білуші.

Муфтий Мухаммад ибн Адам әл-Кәусәри

daruliftaa.com

Мақала darulfikr.ru сайтынан аударылып, қазақы оқырманға сай өңделді.

1. Ибн Манзур, Лисанул-араб, 9/370.
2. Ағраф сүресі, 31.
3. Абу Бакр ибн әл-Араби, Ахқям әл-Қуран, 4/205, Марифул-Қуран (ағылш.), 3/565.
4. «Сунан» Әбу Дәуд, №641, «Сунан» Тирмизи, «Сунан» Ибн Мәжә .
5. Раддул-Мухтар, 1/405.
6. Марақил-Фәләх, 210.
7. Марақил-Фәләх, 58.
8. Марақил-Фәләх, 242.
9. «Сахих» әл-Бухари, «Сахих» Муслим.
10. «Сунан» Әбу Дәуд, «Сунан» Насаи, «Муснад» Ахмад.
11. Раддул-Мухтар, 1/405, матлаб фи сатрал-аура.
12. «Сунан» Ибн Мәжә, хадис №662.
13. әл-Марғинани, әл-Хидая, 4/461.
14. «әл-Фатауа әл-Хиндиййа», 5/328, «Аль-Хидая», 4/461.
15. Нұр сүресі, 24-31.
16. «Мухтасар» әл-Қудури.
17. әл-Лиубаб фи шархул-Китаб, 3/218.
18. Нұр, 31.
19. әл-Хидая, 4/458.
20. Раддул-Мухтар, 1/406.
21. Нұр, 31.
22. Тафсирул-Кәбир, 8/365.
23. Раддул-Мухтар, 6/371.
24. Рух әл-Маани.
25. Раддул-Мухтар, 2/464.
26. Бадаи әс-Санаи, 2/124.
27. Ибн әль-Хумам, Фатхул-Қадир, 2/422.
28. Тухфат әл-Мухтадж ғала әл-Минхадж.
29. Раддул-Мухтар ғала ад-Дуррул-Мухтар, 1/410.
30. Раддул-Мухтар, 5/261.

Published in Ғибратнама

Пятница, 06 Февраль 2015 00:00

ӘЙЕЛ ӘУРЕТІНІҢ ТОЛЫҚ ТҮСІНІГІ МЕН ҮКІМДЕРІ