Қостанай облыстық мешітінде имамдардың білімін жетілдіруге арналған семинар өз жалғасын табуда.

Сонымен қатар, фиқһ іліміндегі маңызды тақырыптардың бірі – неке бабына қатысты арнайы дәріс өткізілді. Қмдб -ның Қостанай облысы бойынша өкілдігі, Уақып қорына жауапты ұстаз Аңсаған Абдрахман билет сұрақтары негізінде тақырыпты жан-жақты түсіндіріп, кеңінен ашып берді.

Алдағы емтиханға дайындық мақсатында имамдарға Құран, фиқһ, ақида және Ислам тарихы, заң және концептуалды құжат пәндері бойынша дәрістер жүйелі түрде жалғасуда. Мұндай семинарлар дін қызметкерлерінің білімін арттырып, діни қызмет сапасын көтеруге үлкен септігін тигізеді.

Қостанай облыстық мешітінің баспасөз қызметі