Қазақстан мұсылмандары діни басқармасының Зекет және қайырымдылық қорының бастамасымен біраз жылдан бері «Ел үлесі -пәтерге» жобасын жүзеге асырып келеді. Сондай қамқорлықтың арқасында елімізде қаншама көмекке мұқтаж жандар баспаналы болды.
Қостанай өңірінде де осы күнге дейін 40-тан астам адамға пәтер кілті тапсырылып, қоныс тойын тойлады. Әрине, олардың қуанышында шек жоқ.
Осы қасиетті жұма күні облыстың Бас имамы Бектұрсын Уәлиев және Зекет және қайырымдылық қорының осындағы өкілі Бақытжан Икрамұлы жиналған жамағаттың алдында облыстық «Аймағанбет қажы Спанұлы» мешітінің дін қызметкерлері Абзал Бейсекев, Марат Әбділдин және Нұрлан Сейдағалиевтерге «Ел үлесі-пәтерге» жобасы бойынша 778, 779, 780-ші пәтерлердің кілтін табыс етті.
Бұл көп қабатты тұрғын үйлер Қостанай қаласының «Әуежай» шағын ауданында орналасқан.
Қостанай облыстық мешітінің баспасөз қызметі
Қазақстан мұсылмандары діни басқармасы бекіткен бағыттардың бірі ол - жат ағымдардан сақтандыру екендігі белгілі. Бұл өзекті мәселе Қостанай облысының Бас имамы Бектұрсын Уәлиевтің тұрақты назарында.
Жуырда ол облыстық «Аймағанбет қажы Спанұлы» мешітінде өткізген жиын, еліміздегі кезек күттірмес маңызды тақырыпқа арналды. Оған өңірдегі жат ағымға жауапты маман Сабыржан Есмурзин, облысқа қарасты қала, аудан мешіттерінің имамдары, сонымен қатар теолог мамандар қатысты.
Бас имам өз сөзінде, жиынның аса маңыздылығына тоқталып, барлық имам-ұстаздарды ортақ мақсат жолында жұдырықтай жұмылып, қырағылық пен ыждағаттылық танытуға шақырды.
Сондай-ақ, аталған жұмыс барысында оның алдын алу үшін жастарға дұрыс бағыт беріп, жат ағым өкілдерінің алдап-арбауына түспеулеріне айрықша көңіл бөлу керектігін еске салды.
Асыл дініміздің кең қанат жайып өркендегенін, ынтымақ-бірлігімізді көре алмайтындар жоқ емес. Сондықтан олардың жолын кесу, халық арасында діни сауаттылық пен ақпараттық түсіндіру жұмыстарын жүргізу үнемі күн тәртібінде тұратын маңызды міндетіміз.
Қостанай облыстық мешітінің баспасөз қызметі.
Көзі қарақты оқырман «Қазақстан-Қостанай» телеарнасындағы «Ел мүддесі» бағдарламасында қозғалатын өзекті хабарларды үзбей көріп отыратындығы белгілі.
Жақында журналистердің арнайы шақыруы бойынша оған Қостанай облысының Бас имамы Бектұрсын қажы Уәлиев, қазақтың көрнекті ақыны Серікбай Оспанов және өңірімізге танымал азамат Болат Қалиев қатысты.
Мұнда қазіргі таңдағы жұрттың көкейінде жүрген маңызды мәселелер - жалпы қоғамда орын алған ысырапшылдыққа жол бермеу, бәсекелестік және зират және зиярат, ас беру мәдениеті, жаназа алдындағы қонақасына тосқауыл қою жайы кеңінен сөз болды.
Қостанай облыстық мешітінің баспасөз қызметі
Қостанай облысының Бас имамының Ұзынкөл аудандық Мәдениет үйіндегі жас ұстаздар және жамағатпен, жергілікті тұрғындармен, қазыналы қарттармен жиыны да жоғары деңгейде өтті.
Мұнда бүгінгі таңдағы маңызды тақырыптар – дәстүр құндылықтары, ысырапшылдыққа жол бермеу және жаназа алдындағы қонақасы беруді тоқтату жөнінде жан-жақты айтылды.
Бұл орайда қажылар мен аға ұрпақ өкілдерінен имамдарға қолдау көрсету жайы да сөз болды.
Қостанай облыстық мешітінің баспасөз қызметі
Облыстың Бас имамы Бектұрсын Торғайбайұлы Ұзынкөл ауданына сапары барысында жергілікті аталар және әжелер мектебінің өкілдерімен жүздесті. Жиын өте әсерлі өтті.
Онда «Қарты бар елдің қазынасы бар» демекші, ақсақалдар мен ақ жаулықты аналарымыздың ақыл-кеңесі мешіттің жұмысын жандандыруда айрықша орын алатындығы айтылды.
Дін қайраткері оларға мықты денсаулық, отбастарында қуаныш пен табысқа қол жеткізе берулеріне тілектестігін білдірді.
Мешіттің тыныс-тіршілігімен танысты.
Бекұрсын Торғайбайұлының кезекті кездесуі «Құрман баба» мешітінде ұйымдастырылды. Онда осы мешіттің Бас имамы Есенгелді Сақтағанұлы өзі басқаратын ұжымның тыныс-тіршілігімен таныстырды. Облыстың Бас имамы имандылық ордасының асханасы мен ауласын өз көзімен көріп, атқарылып жатқан жұмыстарға лайықты бағасын берді. Алда тұрған келелі міндеттерге жан-жақты тоқталды.
Қостанай облыстық мешітінің баспасөз қызметі
Таяуда Қостанай облысының Бас имамы Бектұрсын Уәлиев Ұзынкөл ауданына арнайы ат басын бұрды. Онымен бірге найб имам Әлішер Балахмет болды.
Мәселен, аудан әкімі Марат Жұрқабаевпен өткен жүздесуде бірқатар маңызды жайлар әңгіме өзегіне айналды. Аудан басшысы өз сөзінде «Құрман баба» мешітінің Бас имамы Есенгелді Әжімахантегінің атқарып жатқан қызметіне жоғары баға берді. Оның тарапынан діни мерекелерде үнемі қолдау көретіндігін айтты.
Сондай-ақ, бүгінгі таңдағы өзекті мәселе ысырапшылдыққа жол бермеу және басқа да көкейтесті тақырыптар қозғалды. Іс-шараға жергілікті ақсақалдар Кенесары Мырзахметов, Бақытжан Қазиханов, Аманжол Қонқабаев, Құттыбай Жақантаев және Хасан Еделбаев қатысты.
Қостанай облыстық мешітінің баспасөз қызметі
Қостанай облысының жаңадан тағайындалған Бас имамы Бектұрсын қажы Уәлиев жауапты қызметке кіріскелі бері мұсылман бауырларымызға үлгі-өнеге болар бірнеше тағылымдық кездесулер өткізді.
Соның бірі – қажылар мен мешіттің жанындағы ақсақалдар алқасына арналды.Мұндағы негізгі мақсат – ел құрметіне бөленген абыз ақсақалдар, ақ жаулықты аналар және өмір белестерінен өткен ардақты тұлғалармен танысып, білісу және олардың ақ батасын алу еді.
Бір түйгеніміз, Бектұрсын Торғайбайұлы «Алғыспен ел көгерер,жаңбырмен жер көгерер» деген қағиданы берік ұстанатынын осы жолы да айқын көрсетті.
Ол аталмыш бас қосуда жиналғандарға өзінің Тобыл-Торғай өңірінің тумасы екендігін айта келіп, өткен қызметтік жолдары хақында қысқаша баяндады.
Белгілі дін қайраткері «Қажының рухани келбеті» кітабындағы тұғырнама жайлы баяндай келіп, ондағы қажы деген атқа лайық және мәдениетті болу, мұсылманға тән әдепті сақтау, кішіпейілдіктің айрықша қасиет екендігін еске салды.
Бұл жүздесуде есімдері облысымызға кеңінен танымал ардақты ақсақалдар Жандарбек Сейітов, республикамызға танымал қаламгер, Қазақстан Жазушылар Одағының мүшесі Ақылбек Шаяхмет, Қостанай ауданындағы Әлжан ауылының тұрғыны Ертарғын Бимағанбет, ақсақалдар алқасының мүшесі Әбдікәрім Баекенов сөз сөйлеп, өздерінің ысырапшылдыққа және басқа да маңызды мәселелерге байланысты көкейде жүрген ойларын ортаға салды.
Жиналған қауым ардақты апамыз Әлия қажы Ержанованың да кейінгілерге өнеге болар ұлағатты пікірлерін ұйып тыңдады.Кездесудің соңында Бас имам Бектұрсын Уәлиев мұндай әсіресе, кейінгі жастарға үлгі болар басқосулар алдағы уақытта да жалғасын таба беретіндігін айтты.
Қостанай облыстық мешітінің баспасөз қызметі.
Қарабалық ауданы еліміздің солтүстгінде Ресеймен шекараласып жатыр. Жылдан жылға халық саны азайып, ауылдар босап жатыр. Ауданымыздағы Бөрлі ауылы кезінде дүркіреп, аудан орталығы да болған. Тәуелсіздік алған жылдары ел қуанып, дінімізбен қауышып мешіт те ашылған болатын. Сол мешіт үш жылға жуық қызмет етіп, жабылып, аудан орталығына көшкен ді. Ауылдағы сол мешіт 23 жылдан кейін есігін қайта ашты.
Биылғы жылы мешітке оңтүстік өңірден Қалиев Мади деген азамат имамдық қызметке келіп жұмысқа кірісті. Мади имам тәжірбиесі мол, халықпен жұмыс істей алатын азамат. Ауылдағы мешітте жұма намазы, күнделікті бес уақыт намаз оқылып, жамағаттың сауатын ашып, уағыз- насихаттар айтылуда.
Жуырда оңтүстіктен тағы бір отбасы Бөрлі ауылына көшіп келді. Битөреев Бектұрсын бауырымыз 7 баланы (6 қыз, бір ұл) тәрбиелеп отыр. «Терра» ЖШС мекемесіне жұмысқа орналасып, қызмет атқаруда. Бөрлі ауылына арнайы барып, Битөреевтер отбасын зиярат етіп, сәлем бердік. Бектұрсын бауырымыздың мектепке баратын 4 қызына сөмке және оқу құралдарын табыстадық. Азық түлік, кілем және қаржылай көмек көрсетілді.
Қостанай облыстық мешітінің баспасөз қызметі
Лисаков қалалық «Әбдіхаим Саламатұлы» мешіті жанынан «Имани жаз» жазғы сауат ашу курсы ұйымдастырылды. Оған Алматы қаласындағы «Нұр – Мүбарак Египет ислам мәдениеті» университетінен арнайы келген Нұрхан Мұхаммедуәли ер балаларға, ал Нұрхан Ақкүміс қыз балаларға ұстаз ретінде сабақ берді.
Имандылық ордасындағы лагерь екі айға созылды. Оның барысында шәкірттерге Құран, имандылық әліппелері және Пайғамбарлар тарихы оқытылды.
Курс соңында сабаққа қатысқан барлық шәкірттерге сертификат пен сыйлықтар табыс етілді. Сондай-ақ, түлектер мен ата-аналарға дастархан жайылып, құрмет көрсетілді.
Алатаудың баурайындағы Алматы қаласынан келіп, тәжірибеден өткен жас ұстаздарға ақсақалдар батасын беріп, ақ жол тіледі.
Қостанай облыстық мешітінің баспасөз қызметі
1978 жылы 16 мамырдаҚостанай облысы Жанкелдин ауданында дүниеге келген.
1984-1995 оқу жылдарыЫ. Алтынсарин атындағы қазақ орта мектебін тәмадады. Мектепте оқи жүріп, аудандық мешіттен діни сауатын да ашты.
- 1999 жылыАлматы қаласындағы «Ислам институтын» да білім алып, осы жылдың қараша айынан бастап, Қостанай облысы, Б.Майлин аудандық мешітінде бас имамдық қызметіне тағайындалды.
- 2005 жылыАлматы қаласы, «Имамдар Білім жетілдіру институтында» білімін жетілдірді.
- 2007 жылыМекке-Мадина қалаларында болып, қажылық өтеді.
- 2010 және 2011 жж.облыстық өкіл имамның алғыс хаттарымен марапатталды.
- 2012 жылыТүркия елінде «Білім жетілдіру» курсында болды.
- 2012 жылдыңжелтоқсан айынан бастап, Арқалық қаласы «Мухтасиб Әлмұхаммед» мешітінің бас имамы болып тағайындалды.
- 2013 жылыЫ.Алтынсарин атындағы Арқалық мемлекеттік педагогикалық институтында білім алды.
- 2014 жылы«Қостанай қаласы әкімшілігінің дін істері жөніндегі басқарма» атынан алғыс хатымен марапатталды.
- 2014 жылыАрқалық қаласы әкімінің Алғыс хатымен және Арқалық қаласының «Жыл адамы» номинациясымен марапатталды.
- 2015 жылыАлматы қаласы, «Имамдар Білім жетілдіру институтында» білімін жетілдірді.
- 2016 жылыБас мүфтиідің «Қажырлы еңбегі» үшін Алғыс хатын иеленді.
Әр жылы «жұмысқа деген белсенділігі» үшін деген облыстық өкіл имамының алғыс хаттарымен марапатталды.
- 2020-2022 жылдарыРудный қалалық «Нұр» мешітінің бас имамы болды.
- 2022-2024 жылдарыҚостанай қалалық «Марал ишан» мешітінің бас имамы болып қызмет атқарды.
-2024 жылдың 26 шілдесінен бастап, Қостанай облысының және «Аймағанбет қажы Спанұлы» мешітінің бас имамы болып тағайындалды.
Үйленген, екі қыз, екі ұлы бар.
Григорианский
Хиджра
