Қостанайдағы намазхан әйелдер мен қыздар қайырымдылық мақсатында өздерінің қолдарымен дайындалған тәтті торттар мен тағамдарын әзірлеп, оларды жәрмеңкеге шығарды.

Сонымен қатар осы шараға жеке кәсіпкерлер де өздерінің үлестерін қосты. Оның ішінде қаламыздағы халал тағамдарын дайындайтын дәмханалар да бар.

Бұл жәрмеңкеде жұртшылыққа ұсынылған тағамдар нарықтағы бағадан 50 пайыз төмен бағамен сатылды.

Сондай-ақ жәрмеңке барысында Марат есімді мұсылман бауырымыз балаларға балмұздақты тегін таратып, жиналғандардың көңілінен шықты.

Жалпы, аталған іс-шараның көздеген мақсаты - «Жұмыла көтерген жүк жеңіл» дегендей, облыс орталығындағы салынып жатқан жаңа мешітімізге және қамқорлыққа мұқтаж жандарға қарлығаштың қанатымен су сепкендей болса да үлестерін қосу еді.

Біз игі бастамаға ұйытқы болған намазхан әйелдер мен қыздарымызға Алланың нұры жауа берсін дейміз.

ҚМДБ-ның Қостанай облысындағы
өкілдігінің баспасөз қызметі

Жақында Жітіқара қаласында жұршылыққа тағылымдық жағы мол „Дін және қоғам„ деп аталатын семинар ұйымдастырылды. Оны аудан әкімі Алмат Досмұхамедов ашып, барлық қатысушыларға сәттілік тіледі.

Осы басқосуға Қазақстан мұсылмандары діни басқармасының Қостанай облысындағы өкіл имамы Бахытбек Тәжімбет , Рудный, Арқалық қалалық және Жітіқара аудандық мішіттерінің бас имамдары Сейіт Нұрқанов, Бектұрсын Уәлиев пен Сабыржан Зейнелғабиденұлы, осындағы проваславиелік шіркеудің өкілі Михаил Бойков және басқа да зиялы қауым өкілдері қатысты.

Онда бірқатар мазмұнды баяндамалар жасалды. Облыстан арнайы шақырылған өкіл имам Бахытбек Нұрғабылұлының „Дәстүрлі дінді ұстанудың артықшылығы„ деп аталатын тақырыптағы баяндамасы өте тартымдылығымен барша жұртшылықтың ықыласын аударды.

Сондай-ақ Рудный , Арқалық қалаларының, Жітіқара ауданының бас имамдарының ұлағатты сөздері де көпшіліктің көңілінен шықты. Олардың баяндамаларының тақырыбы да өзектілігімен тәнті етті.

Жұртшылыққа ұсынылған бейне роликтің де өзіндік берер тағылымы ерекше болды. Мұндай басқосудың қашанда әсері зор.

Семинарды Жітіқара ауданы әкімінің орынбасары Алмат Кәкімжанұлы қорытындылап, барлық қатысушылар мен қонақтарға алғысын білдіріп, ең ізгі тілегін жеткізді.

ҚМДБ-ның Қостанай облысындағы
өкілдігінің баспасөз қызметі

Өткен сенбі күні Қостанай облысының 9-шы шағын ауданындағы қалалық мешітінің алаңына таңертеңнен бастап жанкүйерлер жинала бастады. Бұлар ұлттық күресімізден өтетін жарысты тамашалауға келген нағыз спорт жанашырлары-тын. Одан бұрын хабарлағанымыздай, есімдері елімізге белгілі азаматтар облыстық «Марал ишан» мешітінің Бас имамы Бахытбек қажы Тәжімбет, Марат Жұрқабаев жетекшілік ететін «Социум & Я» қоғамдық бірлестігі және Нұрхан Нөгербеков басқаратын облыстық дін істері жөніндегі басқармалардың ұйытқы болуымен ұйымдастырылған осынау күрес жоғары деңгейде өтті.

Бұл «Дін мен Дәстүр» аясындағы өткен күрес пайғамбарымыз Мұхаммед (с.ғ.с) сүннеті және ежелден келе жатқан ұлттық спортымыз күрестің мәртебесін көтеру мен оның ерекшелігін насихаттауға арналған біріншілік жалпы жұртшылықтың көңілінен шықты. Оған салмағы 70 -тен жоғары намазхандар яғни (кәсіби палуандардан басқа ) азаматтар қатысты. Жарыс өте тартысты өтті. Сағат 10-да басталған күрес түс әлетіне дейін жалғасты.

Даладағы күннің ыстықтығына қарамастан қатысушылар шеберліктің жарқын үлгісін танытты. Жарысты ұйымдастырушылар да, ұлттық спортымыз десе ішкен астарын жерге қоятын замандастарымыз да дән риза болысты. Сонымен «Жүзден жүйрік, мыңнан тұлпар»-демекші, бірінші орынға тігілген Умра қажылығына жолдаманы Әулиекөл ауданындағы «Әмит ишан» мешітінің өкілі Ерлан Қасымов жеңіп алды. Сонымен қатар екінші орынға арналған жүлдені яғни ірі қараны Арқалық қалалық «Мұхтасиб Әлмұхаммед» мешіті атынан қатысқан Ербол Мұқанов иеленді. Үшінші орынға тігілген қой Алтынсарин ауданы «Алдиярұлы Жанұзақ» мешітінің жамағаты Қайыржан Әбикеновке тапсырылды. Сонымен қатар көрермендер көзайымы атанған Қайрат Дилхановқа арнайы сыйлықты демеушілер атынан Ғабит Мұқанов табыс етті.

ҚМДБ-ның Қостанай облысындағы
өкілдігінің баспасөз қызметі

Жасұлан Жүсіпбеков өзінің демалысында уағыз-насихат жүргізуде

«Жақсының жақсылығын айт, нұры тасысын» дейді. Халықтың жайын ойлап, өз кәсібін мәртебе тұтқан жігіттер біздің арамызда да баршылық. Соның бірі - Қостанай облысы Торғай өңірінің тумасы, Нұр-Мүбәрак университетінің Әбу Ханифа атындағы ғылыми-зерттеу орталығының жетекшісі Жасұлан Жүсіпбеков.

Дін саласындағы ұстаз өзінің еңбек демалысына қарамастан көпшіліктің сұранысы бойынша уағыз насихаттарын жүргізуде. Ол өңірдегі алғашқы кездесуін облыстық «Марал ишан» мешітінің бас имамы Бахытбек Тәжімбет және наиб имам Азамат Мурзакановпен бірге Әулиекөл ауданы Құсмұрын кентінде орналасқан 161/2 Түзету мекемесінде жазасын өтеп жатқан намазхандармен кездесуден бастаған-ды.

Содан кейін ол облыстық «Марал ишан» мешітінің жамағатымен жүздесті. Онда жиналған қауымның көкейдегі жүрген сұрақтарына нақты жауап беріп, өзінің білімді де білікті азамат екендігін көрсетті.

Сондай-ақ, өткен қасиетті жұма күні белгілі дін қайраткері Шоқан қажы Әмірханов басқаратын 9-шағын ауданда орналасқан Қостанай қалалық мешітінде болып, уағыз айтты. Сөйтіп осындағы көпшіліктің ризашылығына бөленді.

ҚМДБ Қостанай облысы бойынша
өкілдігінің баспасөз қызметі

Мешітте көмекке мұқтаж жандар ескерусіз қалмайды

«Қолы ашықтың жолы ашық» деген халық мақалы өмірден ойып алынған шындық. Өйткені, қолындағы барымен бөліскен адамға әрқашада Алла Тағала да берекесін береді.

Мысалы, Қостанай облыстық «Марал ишан» мешітінде қайырымдылық мақсатындағы игі істер жалғасын табуда. Бұл орайда демеушілердің көмекке мұқтаж жандарға тигізіп жатқан ықпалын ерекше атап өткен жөн.

Ислам діні ешкімді ұлт пен ұлысқа бөлмейді. Жуырда өңірдегі түрлі ұлт өкілдерінен тұратын 30-ға жуық жанұяға назар аударылып, оларға қайырымдылық жасалды.

Өздеріңіз де баспасөздерден оқып жүрген шығарсыздар. Облыстық мешітте күн көрісі төмен, мүгедек және жалғызбасты аналардың өтініш-тілектері әрқашан да басшылыққа алынып, қолдан келгенше көмек көрсетіледі.

Жалпы, мұндай игі мақсаттағы шараларды әр ай сайын өткізіліп тұрады. Мұндай кезде қалталы және мүмкіндігі бар азаматтар ортақ ізгілікті істен шет қылмайды деген үміттеміз.

ҚМДБ-ның Қостанай облысындағы
өкілдігінің баспасөз қызметі

Достық – адамдардың бір-біріне адал, қалтықсыз сеніп, бір мүдделі, ортақ көзқараста болатын қасиет. Достық өзара жауапкершілік пен қамқорлықтың, рухани жақындықтың белгісі. Нағыз достық кісіге шабыт беріп, өмірде кездесетін түрлі сәтсіздіктерге мойымауға, басқа түскен қайғы мен қиыншылықты бірге көтеруге жәрдемдеседі. Дос-жарандардың мінездері әр түрлі болып келуі мүмкін. Мысалы, біреуінде қызбалық не шабандық, екіншісінде тұйықтық не жігерсіздік байқалса да, бұлар достыққа кедергі бола алмайды, қайта нағыз достық осындай кемшіліктерден арылуға көмектеседі. Сатқындық, екіжүзділік, өтірік айту, өзімшілдік достықпен сыйыспайды.

Алла Тағала Құранда былай дейді: «Әй мүміндер! Алладан қорқыңдар және шыншылдармен бірге болыңдар» (Тәубә сүресі, 119 аят). Алла Елшісі (оған Алланың игілігі мен сәлемі болсын) былай деген: «Жаман дос пен жақсы достың мысалы әтір сатушымен от үрлеушінің мысалындай. Әтір сатушыға келер болсақ, не ол саған сыйлық жасайды, не сен одан бір нәрсе сатып аласың, не одан шыққан хош иісті сезесің. Ал от үрлеуші ұстаға келер болсақ, не ол сенің киіміңді күйдіреді, не одан шыққан сасық иісті сезесің». (Бхари, Муслим)

Имам Нәуәуи: «Бұл хадисте тақуа, құрметке лайықты адамдардың және жақсы мінез-құлық пен білім иелерінің арасында болудың артықшылығы айтылған. Сонымен қатар бидғатшы, ғайбат айтатын, көргенсіздігімен танымал болған адамдар мен жағымсыз қасиетке ие болған жаман адамдардың арасында болудың тыйым салынғандығы айтылған». (Шарх Сахих Муслим 5/484).

Қазақтың дәстүрлі әдептілік ұстанымында достыққа үлкен көңіл бөлінеді. Халық арасында достық туралы мақал-мәтелдер жеткілікті: «Дос жылатып, дұшпан күлдіріп айтады», «Досы жақсының, өзі де жақсы», «Дүниеде адамның жалғыз қалғаны – өлгені, қайғының бәрі соның басында». Достыққа қарама- қарсы ұғым – қастық пен күншілдік. Мұндай сезімге ерік алдырғандар басқаның қуаныш-қызығын, ырыс-бағын көтере алмайды, дос дегеннің не екендігін білмейді. Дұрыс дос таңдай білу – өмірлік мақсаттардың бірі.

Дос табу оңай, ал оны сақтау одан да қиын. Достық қатынасқа нәзіктікпен қарап, берік сақтау керек. Өйткені ол да баптауды қажет ететін нәзік өсімдік сияқты. Біздер достықты сақтау үшін жан-тәнімізбен еңбектенуіміз керек. Қайтарымын қажет етпей, бірігудің жолдарын үйрену керек. Сенім мен жарқын көңіл – достықты берік ететін тірек саналады. Өзі шынайы дос бола білген адамның достары да көп болады және жер бетінде өзін жалғыз сезінбейді.

Өмірге деген көзқарасы ортақ, дүниетанымы деңгейлес, әрі бір-бірін оңай түсінетін жандар бір-бірімен дос бола алады. Ал оның сақтаушысы адалдық пен шынайылық. Дос деген сенің басыңдағы кез келген жағдайды басқалардан артық түсінетін, яғни өзінің сезгендей сезе алатын сенің екінші сыңарың. Менің түсінігімдегі достың жолдастан айырмашылығы – жолдасыңды қатты сыйлайсың, ал досқа сондайлық ілтипат танытып, құрмет көрсетудің қажеті жоқ. Өйткені досыңды өзіңдей көретін болған соң «өзіңнің» көңіліңді өзің аулап керек емес. Себебі ол бәрін түсінеді, бәрін де біледі. Сондықтан, кез келген істі оған міндеттей аласың немесе оның саған сеніп тапсырған ісін өзіңнің қара басыңның қамындай атқарасың. Сондай-ақ, жолдасыңа өтініш айту үшін «ол мұны қалай қабылдауы мүмкін» деп ойлануың керек болады кейде. Немесе «қойшы, бәлкім түсінбей қалар» деп райыңнан қайтасың. Ал дос сенің жүз пайыз сеніміңдегі адам. Қалай айтсаң да жарасады.

Қазақ халқы үшін «дос» киелі ұғым. Бұл – кезінде батыр бабаларымыздың досы үшін жанын пида етуге дейін барғандығымен айқындалып тұр. Бұл мақал осыдан шықса керек: «Ақылы көпті дау алмас, досы көпті жау алмас». Бүгінгі таңда достықтың құны базардағы бағадай қымбат па, әлде арзан ба? Жалпы дос деген ұғымды сенімділігіне қарай үш түрге бөліп қарауға болады.

Бірінші, жан дос. Қуанышта да, қиыншылықта да қасыңнан табылар сенімді серігің. Жан дос қайғыңды да тең бөлісе алады.

Екінші, жалған дос. Әрқашан қасыңда. Бірақ қиыншылықта емес. Қара басының қамын үшін, қарнының тойғанын ойлайтындар. Яғни пайдакүнем.

Үшінші, виртуалды дос. Бұған сенуге де сенбеуге де болмайды. Қазіргі тілмен айтар болсақ агенттегі дос. Бірі таныс, бірі жат. Бірі ашық, бірі жұмбақ. Бір қызығы, кейде интернет арқылы танысып бақытты өмір кешіп жатқандарды да кездестіріп қаласың.

Дос биікке жетелейтін, қуанышыңа ортақ, қиындықта демеу болатын жан. «Жігітті досына қарап таны», - деген қазақ фәлсәфасы өте орынды айтылған. Бұл ұғым аласармасын десек, әрбір адам дос тұрғысынан да адал міндет атқарғаны абзал. Сонда ғана достықтың құны жоғары болмақ.

Рахым Серік Темірбекұлы
Лисаков қалалық «Әс-Сәләм» мешітінің
Бас имамы

«Мүмін әйелдерге де айт: «(Бөгде ерлерден) көздерін сақтасын. Әрі ұятты жерлерін (зинадан) қорғасын. Сондай-ақ зейнеттерін көрсетпесін. Бірақ олардың өзіндігінен көрінгендері басқа (беті, қол-аяқтары). Және бүркеншіктерін омырауларына түсірсін. Зейнеттерін керсетпесін». (Нұр сүресі, 31-аят)

Шариғаттың шәлісі – әйел затының табиғаты мен жаратылысына құнды, қажетті әрі лайықты дүние. Себебi олар, жаратылысынан әлсiз және нәзiк. Бұған қоса‚ әйел заты құдай қосқан ерінің алдында қиянатшыл атанбас үшiн, я болмаса өзiнен артық сұлулардың алдында көрiксiздiгiн, қартайғандығын жасыру үшін және жұрттың алдында сөзге қалудан, айыпталудан қорғану мақсатында табиғатынан зейнеттерін көрсетпеуді қалайды.

Тiптi, назар салып қарайтын болсақ‚ өзiн ашық-шашықтықтан ең көп сақтайтын кісілер – шау тартқан қартаң аналар. Ал көбіне өзiн көрсетуден қысылмайтындар – жас жеткіншек қыздар. Әйел психологиясында мынадай жағдайлар бар: жартылай ашылып-шашылып киiнген сұлу бiр әйел өзiне қараған бөтен он еркектiң екi-үшеуiн ұнатса да‚ қалған жетi-сегiзiн жақтырмай олардан жиіркенедi. Ары таза, бұзылмаған, сұлу да жаны нәзiк әйел, арам пиғылды көздердің сұқтануынан қысылады.

Демек, Құранның орамал тағуды әмiр етуi – жаратылысқа сай‚ әрi мейiрiмнiң қайнар көзi болып табылады. Сондай-ақ жаулық арқылы, өмiрлiк жар болатын қымбатты әйелдердi рухани құлдыраудан және масқаралықтан құтқаруға болады.

Сонымен қатар әйел затының болмысы бөгде ерлерден қауiптенетіндіктен табиғатынан бүркенуін қажет етедi. Себебi: сегiз-тоғыз минуттық харам бiр рақаттың күнәсімен қоса сегiз-тоғыз жыл бойы сол харам ләззаттың азабын тартуы ықтимал. Әрi мұндай жәйттер көптеп кездеседi. Әрi орамал арқылы бөтен еркектiң аранын ашып алмауды‚ тиiсуiне жол бермеудi әлсiз жаратылысы әмiр етеді, қатты ескертедi де басты панасы мен қорғаны – ұзын көйлегі мен орамалы екендiгiн көрсетедi.

Ерлi-зайыптылар арасындағы аса маңызды мықты байланыс пен шынайы сүйiспеншiлiк қарым-қатынас тек, дүние тiршiлiгiнiң қажеттiлiгiнен туындамайды. Сонымен қатар бiр әйел өз күйеуiне тек дүние тiршiлiгiне ғана арналған өмiрлiк жар емес. Кесiп айтқанда‚ мәңгi өмiрде де өмiрлiк жар болады. Егерде әйел мәңгi өмiрде де күйеуiне өмiрлiк жар болғысы келсе, мәңгi сүйiктi күйеуiнен өзге‚ басқа бiреудiң назарын өзiнiң сұлулығына шақырмауы әрi күйеуін ренжiтпеуi, қызғандырмауы керек. Сол сияқты ер кісінің де әйелімен болатын қарым-қатынасы дүние тiршiлiгiмен шектелмей, мәңгiлік өмiрдегі жары ретінде шынайы түрде оны сүйiп‚ құрмет тұтуы қажет. Әрi тек уылжыған жас та сұлу кезiнде ғана емес‚ керісінше ажары қашып көрiксiзденген шағында, кәрiлiгiнде де оған ерекше құрмет жасап‚ шынайы сүюі ләзім.

Жанұя өмiрiндегi бақыт – ерлi-зайыптылардың арасындағы бiр-бiрiне деген сенiмдiлiгiмен‚ ағынан жарылып сый-құрмет көрсетумен‚ шын сүюмен жалға-сады. Жартылай жалаңаштылық‚ бұл сенiмдiлiктi жояды. Әрi бiр-бiрiне арнаған сый-құрметiн‚ махаббат отын сөндiредi. Өйткенi жартылай ашылып киiнуге әдеттенген он әйелдiң iшiнен тек бiреуi ғана күйеуiнен басқаға қарамағандықтан‚ өзiн бөтен адамға көрсетекісі келмеуі мүмкін. Ал, тоғызы басқаларды күйеуiнен артық сымбатты деп бiледi. Сондай-ақ‚ жиырма еркектің iшiнен тек бiреуi ғана басқаларды өз әйелiнен артық сұлу деп бiлмейдi. Егер шариғат шәлісімен өзінің сұлулығын әйел кісі жасырмаса, отбасылық өмірдің өзегі болған әлгi шынайы махаббат пен бiр-бiрiне деген сый-құрмет су сепкендей басылып, тым жеркенiштi‚ арам пиғылды сезiмдердің оянуы мүмкiн.

Мысалы, адам болмысында ет бауыры, әпке-қарындасы секілді жақындарына деген құмарлық сезiмi жоқ. Өйткенi: жақындарының бет-әлпетi бiр кiндiктен болып‚ бауыр басып қалғандығы‚ оған жан ашырлықты және ақ жүрекпен адал сүюдi көлденең тартады. Сондықтан нәпсiге тән құмарлық пен ынта-ықыласын жояды. Бiрақ шариғат бойынша, жақындарына да көрсетуі тиым салынған балтыр сияқты басқа жерлерi жартылай ашылып жүрсе‚ нәпсiнiң құлы болған адамдарға тән тым жеркенiштi бiр сезiмнiң оянуына себепшi болуы әбден мүмкiн.

Себебi, жақын бауырының бет-пiшiнi, ет жақыны екенiн бiлдiреді. Алайда‚ жартылай ашық жүрген балтыры бейтаныс әйелдiкiмен бiрдей. Ет бауыр екендiгiн бiлдiретiн таңбасы жоқ. Сондықтан нәпсiнiң құлы болған бiрқатар адамдардың хайуани құмарлық сезімдерін оятуы мүмкiн. Бұл болса‚ төбе шашты тiк тұрғызар тiрi масқаралық .

Елдің демографиясы тұрғысынан қарасақ, ұрпақ көбейту, әркiмнiң-ақ талабы. Әрi ұрпақ көбейтудi қолдамайтын ешбiр ұлт, ешқандай мемлекет жоқ. Тiптi Пайғамбарымыз (с.ғ.с.) былай: «Үйленiңдер‚ көбейiңдер‚ қиямет күнi сiздердiң көптiктерiңiзбен мақтанамын»,-деген. Алайда, ақ жаулық аяқасты болған жерде үйлену көбеймейдi, керсінше тым азайып кетедi. Себебi, ең сән қуушы әсемпаз жiгiт те өмiрлiк жұбайының ар-ұятты болуын қалайды. Өзi сияқты сәнқой‚ яғни ашық-шашық жүруiн қаламағандықтан үйленбей бойдақ қалады. Тiптi де зинақорлыққа салынады.. жалғасы бар

Дайыр Дүйсен Сәрінжіпұлы
Қостанай қалалық мешіттің найб имамы

«Мүмін әйелдерге де айт: «(Бөгде ерлерден) көздерін сақтасын. Әрі ұятты жерлерін (зинадан) қорғасын. Сондай-ақ зейнеттерін көрсетпесін. Бірақ олардың өзіндігінен көрінгендері басқа (беті, қол-аяқтары). Және бүркеншіктерін омырауларына түсірсін. Зейнеттерін керсетпесін». (Нұр сүресі, 31-аят)

Шариғаттың шәлісі – әйел затының табиғаты мен жаратылысына құнды, қажетті әрі лайықты дүние. Себебi олар, жаратылысынан әлсiз және нәзiк. Бұған қоса‚ әйел заты құдай қосқан ерінің алдында қиянатшыл атанбас үшiн, я болмаса өзiнен артық сұлулардың алдында көрiксiздiгiн, қартайғандығын жасыру үшін және жұрттың алдында сөзге қалудан, айыпталудан қорғану мақсатында табиғатынан зейнеттерін көрсетпеуді қалайды.

Тiптi, назар салып қарайтын болсақ‚ өзiн ашық-шашықтықтан ең көп сақтайтын кісілер – шау тартқан қартаң аналар. Ал көбіне өзiн көрсетуден қысылмайтындар – жас жеткіншек қыздар. Әйел психологиясында мынадай жағдайлар бар: жартылай ашылып-шашылып киiнген сұлу бiр әйел өзiне қараған бөтен он еркектiң екi-үшеуiн ұнатса да‚ қалған жетi-сегiзiн жақтырмай олардан жиіркенедi. Ары таза, бұзылмаған, сұлу да жаны нәзiк әйел, арам пиғылды көздердің сұқтануынан қысылады.

Демек, Құранның орамал тағуды әмiр етуi – жаратылысқа сай‚ әрi мейiрiмнiң қайнар көзi болып табылады. Сондай-ақ жаулық арқылы, өмiрлiк жар болатын қымбатты әйелдердi рухани құлдыраудан және масқаралықтан құтқаруға болады.

Сонымен қатар әйел затының болмысы бөгде ерлерден қауiптенетіндіктен табиғатынан бүркенуін қажет етедi. Себебi: сегiз-тоғыз минуттық харам бiр рақаттың күнәсімен қоса сегiз-тоғыз жыл бойы сол харам ләззаттың азабын тартуы ықтимал. Әрi мұндай жәйттер көптеп кездеседi. Әрi орамал арқылы бөтен еркектiң аранын ашып алмауды‚ тиiсуiне жол бермеудi әлсiз жаратылысы әмiр етеді, қатты ескертедi де басты панасы мен қорғаны – ұзын көйлегі мен орамалы екендiгiн көрсетедi.

Ерлi-зайыптылар арасындағы аса маңызды мықты байланыс пен шынайы сүйiспеншiлiк қарым-қатынас тек, дүние тiршiлiгiнiң қажеттiлiгiнен туындамайды. Сонымен қатар бiр әйел өз күйеуiне тек дүние тiршiлiгiне ғана арналған өмiрлiк жар емес. Кесiп айтқанда‚ мәңгi өмiрде де өмiрлiк жар болады. Егерде әйел мәңгi өмiрде де күйеуiне өмiрлiк жар болғысы келсе, мәңгi сүйiктi күйеуiнен өзге‚ басқа бiреудiң назарын өзiнiң сұлулығына шақырмауы әрi күйеуін ренжiтпеуi, қызғандырмауы керек. Сол сияқты ер кісінің де әйелімен болатын қарым-қатынасы дүние тiршiлiгiмен шектелмей, мәңгiлік өмiрдегі жары ретінде шынайы түрде оны сүйiп‚ құрмет тұтуы қажет. Әрi тек уылжыған жас та сұлу кезiнде ғана емес‚ керісінше ажары қашып көрiксiзденген шағында, кәрiлiгiнде де оған ерекше құрмет жасап‚ шынайы сүюі ләзім.

Жанұя өмiрiндегi бақыт – ерлi-зайыптылардың арасындағы бiр-бiрiне деген сенiмдiлiгiмен‚ ағынан жарылып сый-құрмет көрсетумен‚ шын сүюмен жалға-сады. Жартылай жалаңаштылық‚ бұл сенiмдiлiктi жояды. Әрi бiр-бiрiне арнаған сый-құрметiн‚ махаббат отын сөндiредi. Өйткенi жартылай ашылып киiнуге әдеттенген он әйелдiң iшiнен тек бiреуi ғана күйеуiнен басқаға қарамағандықтан‚ өзiн бөтен адамға көрсетекісі келмеуі мүмкін. Ал, тоғызы басқаларды күйеуiнен артық сымбатты деп бiледi. Сондай-ақ‚ жиырма еркектің iшiнен тек бiреуi ғана басқаларды өз әйелiнен артық сұлу деп бiлмейдi. Егер шариғат шәлісімен өзінің сұлулығын әйел кісі жасырмаса, отбасылық өмірдің өзегі болған әлгi шынайы махаббат пен бiр-бiрiне деген сый-құрмет су сепкендей басылып, тым жеркенiштi‚ арам пиғылды сезiмдердің оянуы мүмкiн.

Мысалы, адам болмысында ет бауыры, әпке-қарындасы секілді жақындарына деген құмарлық сезiмi жоқ. Өйткенi: жақындарының бет-әлпетi бiр кiндiктен болып‚ бауыр басып қалғандығы‚ оған жан ашырлықты және ақ жүрекпен адал сүюдi көлденең тартады. Сондықтан нәпсiге тән құмарлық пен ынта-ықыласын жояды. Бiрақ шариғат бойынша, жақындарына да көрсетуі тиым салынған балтыр сияқты басқа жерлерi жартылай ашылып жүрсе‚ нәпсiнiң құлы болған адамдарға тән тым жеркенiштi бiр сезiмнiң оянуына себепшi болуы әбден мүмкiн.

Себебi, жақын бауырының бет-пiшiнi, ет жақыны екенiн бiлдiреді. Алайда‚ жартылай ашық жүрген балтыры бейтаныс әйелдiкiмен бiрдей. Ет бауыр екендiгiн бiлдiретiн таңбасы жоқ. Сондықтан нәпсiнiң құлы болған бiрқатар адамдардың хайуани құмарлық сезімдерін оятуы мүмкiн. Бұл болса‚ төбе шашты тiк тұрғызар тiрi масқаралық .

Елдің демографиясы тұрғысынан қарасақ, ұрпақ көбейту, әркiмнiң-ақ талабы. Әрi ұрпақ көбейтудi қолдамайтын ешбiр ұлт, ешқандай мемлекет жоқ. Тiптi Пайғамбарымыз (с.ғ.с.) былай: «Үйленiңдер‚ көбейiңдер‚ қиямет күнi сiздердiң көптiктерiңiзбен мақтанамын»,-деген. Алайда, ақ жаулық аяқасты болған жерде үйлену көбеймейдi, керсінше тым азайып кетедi. Себебi, ең сән қуушы әсемпаз жiгiт те өмiрлiк жұбайының ар-ұятты болуын қалайды. Өзi сияқты сәнқой‚ яғни ашық-шашық жүруiн қаламағандықтан үйленбей бойдақ қалады. Тiптi де зинақорлыққа салынады.. жалғасы бар

Дайыр Дүйсен Сәрінжіпұлы
Қостанай қалалық мешіттің найб имамы