Елбасымыздың ұсынуымен 2019 жылды «Жастар» жылы деп жариялағаны белгілі. Осы орайда «Рудный құрылыс және көлік колледжінде» ата-аналар жиналысы болып, қалалық «Нұр» мешітінің бас имамы Азамат Серікбайұлы шақырылды.
Аталмыш ата-аналармен басқосудың басты мақсаты - қазіргі кезеңдегі еліміздің болашағы болып табылатын жастардың қоғамдағы орны мен тәлім-тәрбиесіне үлкен мән беру, діни сауаттылықтарына айрықша көңіл бөлу.
Жастар – кез келген қоғамның келешегі және қозғаушы күші. Мемлекеттің тұрақты дамуының негізі – бәсекеге қабілетті жастар, ал бұл тікелей жас қазақстандықтардың білімі мен білік сапасына, олардың ұмтылысы мен ынтасына әбден байланысты. Жастар — біздің жарқын болашағымыз. Оларға жіті көңіл бөлу, тәрбиелеу — дін қызметкерлері мен басшылардың негізгі міндеттеріне жатады.
Осыған орай, Рудный қалалық «Нұр» мешітінің бас имамы Азамат Серікбайұлы жастардың діни сауаттылығына тоқталып, олардың алдағы уақытта басқа ағымдардың жетегінде кетпеуіне, ата-аналардың үлкен жауапкершілік танытулары қажет екендігін айтып өтті.
Сондай-ақ ол сөз барысында қазақтың затына да, дәстүріне де сай келмейтін діни ағымдардан аулақ жүру қажеттігін еске салды. Басқа да өзекті мәселелерді баяндады.
ҚМБД-ның Қостанай облысы бойынша өкілдігінің баспасөз қызметі
Ұлы пайғамбарымыз Мұхаммедтің (ﷺ) туған күніне арналған рухани танымдық кеш Жітіқара қаласындағы Мәдениет үйінде болып, оған күннің салқындығына қарамастан халық көп жиналды.
Осынау игі шараға Қазақстан мұсылмандары діни басқармасының Қостанай облысындағы өкіл имамы Бахытбек қажы Тәжімбет және қала, аудан мешітерінің бас имамдары қатысты.
Игі іс-шара пайғамбарымыздың дүниеге келуін насихаттайтын «Мәуліт сүйінші» атты бейнероликті көрсетуден басталды. Облыстық мешіттің наиб имамы Әлішер Ертайұлы құран оқып, дұға жасады.
Одан кейін облыстың бас имамы Бахытбек Нұрғабылұлы қала жұртшылығын мерекемен құттықтап, пайғамбарымыздың өмірбаяны туралы уағыз-насихат айтты. «Ержан Тәтішев» мешітіне белсенді көмек көрсетіп жатқан кісілерді өкіл имам марапаттады.
Сондай-ақ аталмыш басқосуда жиналған қауым Жітіқара қаласына арнайы келген ақындардың айтысын тамашалады. Онда өңір мақтанышы Айбек Қалиев пен Мамай Ізтелеуов тұшымды жырларымен баршаны тәнті етті.
Аудан әкімі атынан оның орынбасары Сәлім Нұрланұлы жұртшылықты Мәуліт мерекесімен құттықтап, қазақтың салты бойынша айтыскерлердің иығына шапан жапты.
Арқалық қаласынан келген жас әнші Дінмұхамед Торғайбай діни илаһи орындаса, аудандық Мәдениет үйінің қызметкерлері «Қарттар үйі» атты тағылымы мол қойылым көрсетті.
Сонымен қатар, діни термелер де орындалды. Жітіқара ауданының бас имамы Мейіржан Қапарұлы айтулы мейрамды ұйымдастыруға атсалысқан барша қауымға шынайы алғысын білдірді. Сондай-ақ іс-шара соңында жамағатқа дастарқан жайылды.
ҚМБД-ның Қостанай облысы бойынша өкілдігінің баспасөз қызметі
Қасиетті Жұма күні Рудный қалалық «Нұр» мешітінде тағы бір берекелі іс-шара ұйымдастырылды. Айтап айтар болсақ Рудный қалалық «Нұр» мешітінің қызметкерлірі қаламыздың бір қатар жомарт жандарынмен бірлесе отырып жұма намызына келген жамағатқа ас таратты, сондай-ақ мешіттің ақсақалдарына дастархан жайып үлкендердің батасын алды.
«Садақа – береке кілті» дегендей, адал тапқан нәпақасынан қайырымдылық жолына жұмсап, халыққа ас беріп, жұмыстарына береке тілеген кәсіпкерлер, алдағы уақытта да мешіт қызметкерлермен тығыз байланыста болып осындай қайырымдылық іс-шараларына өз септіктерін тигізетінін сөз етті.
Пайғамбарымыз (с.а.у.) былай дейді: «Садақа мал-дүниені ешқашан кемітпейді. Пенде қолын садақа беру үшін созғанда ол садақа сұраушының қолына жетпестен бұрын Аллаға берілгендей болады». Сондықтанда осындай Алла жолына жасалған қайырымдылық пенденің рыздығын асырып, жұмысының берекесін арттырады.
Бүгінгі болған шараға барша жамағат өз разылықтарын білдіріп, жоғары буын ақсақалдарымыз өздерінің батасын беріп, елімізге береке мен бірлік тіледі.
ҚМДБ-ның Қостанайц облысы бойынша өкілдігінің баспасөз қызметі
Осы тақырыппен «Қостанай» телеарнасының «Ақ Орамал» ұлтық-рухани хабарында кеңінен талқыланды. Хабарға Қостанай облыстық Марал ишан мешітінің наиб имамы Әлішер Балахмет Ертайұлы, АХАЖ бөлімінің бас маманы Тұрсынкүл Аймұхамбетова Сапабекқызы, парапсихолог Айсұлу Жақанова, телеарнаның «Күн шауақ» бағдарламасының жүргізушісі Шахерезада және оның анасы Гүлнұр Исламхан қатысты.
Бағдарлама барысында: Қазақ халқы, жалпы мұсылман қауымы баласына ат қоярда сақтықпен қараған. Өйткені есімге сай оған жүктелетін жауапкершілікті де ойлап, ырымдаған. Ырымның қадірін кетмеудің де маңызды екендігі талқыланды.
Сондай-ақ наиб имам Әлішер Ертайұлына да біраз мұсылман қауымын толғандырып жүрген сауалдар қойылды. Мысалы, «Азан шақырып ат қоюдың маңызы қандай?», «Туған сәбиге қашан ат қойылады?», «Нәрестеге ат қоюға кім құқылы?» т.б. сауалдарға наиб имам нақты да толық жауап берді.
Осылайша «Ақ орамал» бағдарламасының көрермендері өздеріне үлкен мәлімет алып, хабардың қонақтарына шынайы алғыстарын білдірді.
ҚМДБ-ның Қостанайц облысы бойынша өкілдігінің баспасөз қызметі
Жуырда Қостанай облысының Денисов аудандық «Жұма» мешітінің бас имамы Болатжан Ғалымжанұлының ұйымдастыруымен аудандық №3 қазақ орта мектебінде тағылымды шара өтті.
Бұл пайғамбарымыз Мұхаммедтің (с.ғ.с) туған айы құрметіне оқушылар арасындағы «Менің сүйікті пайғамбарым» деп аталатын шығармашылық сайыс еді.
Оған аталмыш мектептің 9-11-ші сыныптарының оқушылары қатысты. Бас имам жастарға сәттілік тілеп, білім жолындағы ізденістерінің жемісті болуына тілектес екендігін білдірді.
Аталмыш сайысқа қатысқандар арасында Зарина Успанова, Жадыра Астаева және Ерлан Исмағұлов үздік шығып, оларға мадақтама қағазы мен бағалы сыйлықтар табыс етілді.
Мұндай жарыстардың қатысушыларға берері мол. Өйткені, үнемі ізденеді. Олар талапкерді тек қана алға жетелейді. Осы сайыс та соны көрсетті.
ҚМДБ-ның Қостанайц облысы бойынша өкілдігінің баспасөз қызметі
Қазақстан мұсылмандары діни басқармасы мешіт салудың арнайы ережесін бекітті. Бұл туралы Бас мүфти Серікбай қажы Ораз Астанада өткен алқалы мәжілісте мәлімдеді.
ҚМДБ Ғұламалар Кеңесі бекіткен құжат «Қазақстан Республикасында типтік жобадағы мешіт ғимаратын салудың тәртіп ережесі» деп аталады.
Бұл – еліміз бойынша типтік жобадағы мешіт ғимаратын салудың тәртібін қалыптастыратын негізгі құжат. Ереже ҚР «Діни қызмет және діни бірлестіктер туралы» Заңына, «Қазақстан Республикасындағы сәулет, қала құрылысы және құрылыс қызметі туралы» ҚР Заңына, өзге де нормативтік құқықтық актілерге, сонымен қатар ҚМДБ Жарғысына сәйкес әзірленді.
Бұдан былай мешіт ғимараты жергілікті жамағаттың санына орай 3 деңгейде салынады: ауылдық (сыйымдылығы 70-500 адам), аудандық (сыйымдылығы 500-1500 адам), облыстық, қалалық (сыйымдылығы 1000-5000 адам).
Құжатқа сәйкес, болашақта жаңадан салынатын мешіттің құрылысы заманауи талапқа сай жүргізілуі тиіс. Демек, Алла үйін тұрғызуға шешім қабылдаған адам ғимараттың көрікті болуына көңіл бөлуі шарт. Мешіт салуда заманауи озық үлгілерді, Исламның және жергілікті сәулет өнерін пайдалану міндетті. Мешіттің мұнарасы, күмбезі және ішкі-сыртқы безендірілуі жергілікті дәстүрге сай болуы тиіс.
Сонымен қатар, ҚМДБ қабылдаған құжат бойынша, енді мешіт жергілікті жамағаттың санына лайықтап салынатын болады. Бұған қоса мешіт ауласына автотұрақ, саябақ, т.б. қажетті нысандар тұрғызылмақ. Мешіт құрылысына сапалы және ұзақ мерзімге жарайтын материалдарды пайдалану талап етіледі. Қауіпсіздік шараларын сақтау мақсатында арнайы құрылғылар да орнатылады.
Айта кетер жайт, 2018 жылы еліміз бойынша 38 мешіт пайдалануға берілді. Бүгінде республика бойынша 2 626 мешіт халыққа қызмет етуде.
Жақында Ұзынкөл ауданының «Балықты» мешіті Қазақстан мұсылмандарн діни басқармасының тапсырмасы бойынша «Жастар» жылына байланысты «Қайырымдылық керуені» акциясы Пресногорьков орта мектебінде ұйымдастырылды. Негізінде мұндай шара мешіттің атсалысуымен ауданымыздың барлық өңірінде өткізілуде.
Бұл маңызды шараға бас имам Есенгелді қажы Сақтағанұлы, алқа төрағасы Рамазан қажы Иржанов пен Кенесары Мырзахметов, әйелдер қоғамының төрайымы Күлтәй Қапезқызы, мешіттің жанынан құрылған жастар алқасының басшысы Төрехан Мұқашев, салауатты өмір салтын қалыптастыру алқасының жетекшісі Ильяс Елемисов, сонымен қатар «Нұрлы жол» газетінің тілшілері қатысты.
Қайырымдылық акциясы аясында мешіт ұжымы Пресногорьков орта мектебіндегі екі мектеп оқушысына әлеуметтік көмек ретінде спорттық киім, осы білім ордасында орналасқан «Солнышко» бала бақшасына кілем тарту етті.
Сонымен қатар мектеп балаларына денешынықтыруға керекті спортық 2 доп сыйлады. Одан соң осы мектептің ұстаздарымен «Қоғамдық сананы жаңғырту тұрғысынан моральдық және рухани білім берудің тиімді механизмдері» , «Аға буын өкілдері – ел беріктігінің кепілі», «Жастар жылы» тақырыптары аясында сөз қозғап, өз ойларын ортаға салды.
Аталған білім ордасында жасөспірімдер арасында спартакиадалық ойындар ұйымдастырылып, жеңімпаздарға сыйлықтар табыс етілді.
Жастарды ауыз бірлікке үндеуде спорттық шаралардың алатын орны ерекше екендігі көпке белгілі.
Шара соңында «Балықты» мешітінің бас имамы Есенгелді қажы Сақтағанұлы Пресногорьков селосының жастарымен кездесу өткізді. Аталмыш акция шеңберінде осынау білім ордасының асханасында 178 балаға түскі ас берілді.
ҚМДБ-ның Қостанайц облысы бойынша өкілдігінің баспасөз қызметі
Арқалық қаласына қарасты Үштөбе ауылының молдасы Айтмағанбет Жолдыбаев ағамыз бірнеше жылдан бері халыққа қызмет етіп келеді. Ол кісі ауылда мешіт болмаса да, қолынан келгенше Алла разылығы үшін асыл дінімізді насихаттаудан шаршаған емес.
Қазіргі кезде 65 жасқа келген ағамыз ауыл халқының ынтымағы мен бірлігіне зор үлес қосып, ауыл ішінде орын алған жағдайларды ақылмен, сабырмен шешуге тырысады.
Оны ауыл халқы Айтан молла деп атап кеткен. Ол арнайы дін оқуын тәмамдамаса да, Арқалық қалалық мешітіне келіп үнемі дәріс-семинарларға қатысып, үнемі ізденіс үстінде жүреді.
Осынау ел арасында сыйлы ақсақалды ауыл әкімі Аман Ермағанов марапатқа ұсынды. Сөйтіп, Айтмағанбет ағамыз қала әкімі Эльдар Қонысбайұлының қолынан «Құрмет грамотасын» алды.
Әлбетте бұл ең алдымен дініміздің сондай-ақ дін қызметкерлерінің абыройы, еңбектерінің еленгені деп білгеніміз жөн.
Біз де өз тарапымыздан Айтан ағаға Алла разы болсын дей отырып, келешекте де дін қызметкерлері халықпен тығыз қарым-қатынаста жұмыс істеп, абыройлары асқақтай берсін деген игі тілегімізді білдіреміз.
ҚМДБ-ның Қостанай облысы бойынша өкілдігінің баспасөз қызметі
Жақында Әулиекөл ауданына қарасты Аманқарағай ауылындағы қазақ орта мектебінде «Әмит ишан» мешітінің имамдарымен кездесу ұйымдастырылды.
Кездесуге мектеп ұстаздары және жоғарғы сынып оқушылары қатысты. Мешіттің наиб имамы Нұрсұлтан Жаңаберген оқушыларға Ислам дініндегі теріс ағымдар туралы және шииіттік ағымдар туралы мәліметті келтіре отырып, ұлағатты сөз айтты.
Осынау басқосуда мешіттің бас имамы Нұрбол Балахметов және әйелдер - қыздар секторының меңгеруші Гаухар Аязбаева аталмыш мектептің жүрегі нәзік, мейірімді ұстаздарына және қыз балаларға «Адалдық пен арамдық қасиеттері» жайлы баяндады.
Сонымен қатар бойжеткен қыз балаларға ұлттық қазақи тәлім тәрбие беру туралы ой-тұжымдарын ортаға салды.
ҚМДБ-ның Қостанай облысы бойынша өкілдігінің баспасөз қызметі
Миләди
Хижри
