Қостанай қалалық "Жайлаубай ата" мешіті ұжымының ұйытқы болуымен Қазақстан мұсылмандары діни басқармасының "Ізгі қоғам" жылы аясында түрік қауымдастығымен бірге дөңгелек үстел өткізілді. Онда ұлтаралық татулық және бірлік пен ынтымақ тақырыбы әңгіме өзегіне айналды.
Оған Рудный қаласындағы "Нұр" мешітінің Бас имамы Сабыржан Есмурзин бастаған жамағат шақырылды. Құрметті қонақтардан Жақсылық ақсақал өнегелі өсиет айтты.
Сондай-ақ ардақты Мұхаммед пайғамбарымызға арналған салауат оқылды. Басқосуға ұйытқы болған кісілерге мешіттің атынан естелік сыйлықтар табыс етілді.
Жиын соңында көпшілікке бата берілді. Құптан намазынан кейін жұртшылық бір-біріне ізгі-тілек білдірісіп, жоғары көңіл-күймен тарасты.
Қостанай облыстық мешітінің баспасөз қызметі
Арқалық қалалық «Мухтасиб Әлмұхаммед» мешітінде наиб имам Есдаулет Жұмаханұлының есімі жергілікті халыққа жақсы таныс.
Жуырда оның бастамасымен жоғарыда аталған имандылық ордасының шәкірт-жамағаттарының атсалысуымен ас берілді.
Онда ұстаз Бақытбек Сәндібекұлы өзекті «Намазға деген салғырттық» деп аталатын тақырыпта уағыз-насихат жүргізді. Жиналған жұртшылық оның ғибраты мол ұлағатты сөздерін ұйып тыңдады.
Қостанай облыстық мешітінің баспасөз қызметі
Қостанай облыстық мешітінде Зекет және қайырымдылық қорының және облыс бойынша барлықтмешіттер өткен қазан айында да тындырымды жұмыс атқарып, көмекке мұқтаж жандардың шынайы алғысына бөленді.
Мәселен, аталмыш қордың жетекшісі, найб имам Бақытжан қажы Икрамұлының сөзіне қарағанда, өңірде 34 іс-шара өткізіліп, онда 692 отбасы қамтылды. Қайырымдылық мақсатына 4 038 462 теңге жұмсалды.
Осынау игілікті істе демеушілер мен жүрегі жомарт азаматтар жанашырлық танытып, өздерінің лайықты үлестерін қосты.
Қостанай облыстық мешітінің баспасөз қызметі
Облыс орталығынан едәуір жерде жатқан Арқалық қалалық «Мухтасиб Әлмұхаммед» мешітінің қызметкерлері табиғатты қастерлеп, оны көркейтуге де белсене атсалысып келеді.
Осы сөзіміздің жарқын айғағы ретінде жуырда мешіт ауласында имандылық ордасына жанашыр жамағат-шәкірттердің тікелей көмегімен 6 түп шырша отырғызылды.
Алдағы уақытта күтімі мен баптауы келіссе, әлгі отырғызылған шыршалар айналаға ерекше көрік беріп, келіп-кетуші ағайындардың эстетикалық әрі экологиялық мәдениетін арттыруға ықпалын тигізетіндігі сөзсіз.
Қостанай облыстық мешітінің баспасөз қызметі
Арқалық қалалық «Мухтасиб Әлмұхаммед» мешітінің бас имамы Нұрхан қажы Асанұлы киелі Жангелдин ауданына арнайы іс сапармен келді.
Ол жергілікті «Оспан қожа әулие» мешітінің жамағаттарымен жүздесті. Онда «Ислам әлемге түсірілген дін» тақырыбында уағыз-насихат айтып, қасиетті жұма намазын өткізді.
Мешітке жиналған қауым халықты имандылыққа үндеуде айтарлықтай қызмет атқарып жүрген өз саласының майталманына дән ризашылықтарын білдіріп, естелікке суретке түсті.
Қостанай облыстық мешітінің баспасөз қызметі
Жуырда Арқалық қалалық “Мухтасиб Әлмұхаммед” мешітінің бас имамы Нұрхан қажы Асанұлы Ашутасты ауылындағы “Ашутасты” мешітінде іс-сапармен болды.
Ол аталмыш елді мекенге ат басын бұрғанда жергілікті имандылық ордасының тыныс-тіршілігімен, ондағы атқарылып жатқан жұмыстардың барысымен танысты.
Осындағы жұма намазына қатысып, уағыз-насихат айтты. Ауылдағы жамағаттар оның ой-пікірлерін ерекше ықыласпен тыңдап, ұмытылмас әсер алды.
Қостанай облыстық мешітінің баспасөз қызметі
Елордада Қазақстан Республикасының ұлттық мерекесі – Республика күніне орай ұйымдастырылған І халықаралық Құран жарысы жалғасуда.
Қазақстан мұсылмандары діни басқармасының төрағасы, Бас мүфти Наурызбай қажы Тағанұлының бастамасымен өтіп жатқан Құран жарысы бүгін қорытындыланады. Жарыстың екінші күнін отандасымыз Әлібек Жалиев бастады. Сондай-ақ бүгін Дағыстан Республикасы, Сауд Арабиясы Корольдігі, Иран, Әзербайжан мен Малайзия қарилары, тағы бір отандасымыз Иманәлі Мырзагелді бақ сынайды.
Айта кетейік, Құран жарысы мүфтияттың төл «Munara TV» телеарнасынан, «Муфтият ҚМДБ» YouTube арнасынан, Діни басқарманың @muftiyatkz ресми инстаграм-парақшасынан тікелей эфир арқылы көрсетіліп жатыр.
Бүгін елордада Қазақстан мұсылмандары діни басқармасының ұйымдастыруымен Қазақстан Республикасының ұлттық мерекесі – Республика күніне орай тұңғыш рет өтіп жатқан І халықаралық Құран жарысында Бас мүфти Наурызбай қажы Тағанұлы осылай деді.
«Құран оқылған үйге, жерге Алланың берекесі мен тыныштығы орнайды. Құран оқылған үй ерекше нұрға бөленеді. Бұл туралы Алла Елшісі (оған Алланың салауаты мен сәлемі болсын) былай деген екен: «Жер бетіндегілерге жұлдыздар қалай көрінсе, Құран оқылған үй де көктегілерге дәл солай көрінеді». Бүгін қазақ даласы көктен қарағанда шоқ жұлдызға айналғай деп тілейміз.
Пайғамбарымыз (оған Алланың салауаты мен сәлемі болсын) тағы бір хадисінде: «Құранның әрбір (жатталған) аяты (жаттаған кісінің) жәннаттағы дәрежесін көтереді және үйлерінде (оқылған Құран) шамдар секілді (көктегілерге жарық шашады)» деп баяндайды. Алла Тағала мешітте оқылып жатқан қасиетті Құран аяттарымен жерімізді нұрландырғай» деді Бас мүфти Наурызбай қажы Тағанұлы.
Республикалық бас мешітте өтіп жатқан І халықаралық Құран жарысы ертең де жалғасады.
Жақында Республика күніне орай Арқалық қалалық “Мухтасиб Әлмұхаммед” мешітінде ұлттық нақышта жәрменке және қолөнерлік каллиграфия көрмесі ұйымдастырылды.
«Жақсыны көрмек үшін» демекші, қасиетті жұма намазына арнайы келген мешіт жамағаттары көрмені тамашалап, он саусағынан өнері тамған жерлестеріне өздерінің дән ризашылығын білдірді.
Қостанай облыстық мешітінің баспасөз қызметі
Республика күні қарсаңында Меңдіқара ауданындағы «Қарамақы ата» мешітінде Мұхаммед Пайғамбарымызға арналған Мәуліт мерекесі болып өтті. Онда жамағатқа мейрам құрметіне дастарқан жайылды.
Жиын барысында, алдымен, қасиетті Құран оқылып, ата-бабаларымыздың рухына дұға жасалды. Жаңадан ашылған асханада Мәуліт қасидасы мен салауаттар айтылды.
«Қарамақы ата» мешітінің бас имамы Еркебұлан Қошан мешітке демеушілік еткен барша кәсіпкерлерге Алғыс хат, салауат айту іс-шарасына белсене атсалысқан жамағаттарға ақшалай сыйлық пен Құран кітабын табыс етті.
Ал мерекелік басқосуға қатысқан аудан әкімінің орынбасары Мирас Ахметов барша қауымды Мәуліт және Республика күнімен шын жүректен құттықтап, ең ізгі тілегін білдірді.
Содан кейін елімізге танымал сазгер, Қазақстан Республикасының еңбек сіңірген мәдениет қызметкері, ел ағасы Бақытжан Сәуекенов мұсылман қауымға ақ батасын берді.
Іс-шара барысында жасөспірімдер қазақтың ұлттық ойыны - асық, ұл мен қыз балалар арасында сақа атудан жарыс өткізілді. Мұнда көзге түскен жеңімпаздарға бас имам Еркебұлан Жаңбырбайұлы мен жұртшылыққа есімі жақсы таныс Алқар Абзалбек ақшалай жүлделерді тапсырды.
Қостанай облыстық мешітінің баспасөз қызметі
Григорианский
Хиджра
